El fútbol nos cartelos de la Guerra Civil

Siguiendo con la publicación de material que en su día se publicó en el fanzine La Voz de La Cantina, hoy toca un artículo de Rafa R. Valdés aparecido en el número 48 de la Temporada 2015-16

El fútbol nos cartelos de la Guerra Civil

Supongo que tol mundu los conoz. Dalgunos d’estos cartelos son bastante famosos y pueden vese con ciertu avezamientu, a la vienta nel rastru, en pegadielles o inclusive´n manifestaciones. Otros, son clásicos recurrentes en documentales, reportaxes o llibros d’hestoria. Hai tiendes onde los vienden, o yá yera un clásicu que dalguna selmana a l´añu apaeciera dalgún puestu de vienta de cartelos na facultá… Pero, a lo último con bon criteriu, el Ministeriu de Cultura dio en la so dixitalización y a crear un Arquivu so l´ampliu nome de “Centru de la Memoria Histórica”, y nel que non solo s’inclúin el periodu republicanu y la guerra civil. Tamién hai cartelos propios del periodu franquista, d’actos del Gobiernu de la República nel esiliu y cartelos con referencies a la situación española pero de países estranxeros (Francia, Gran Bretaña, Italia, la URSS o Holanda). La coleición ye peramplia, 2.280 exemplares de diversa procedencia y de distintes rexones españoles. Con ensame de temátiques. Dalgunos francamente desconocíos y que resulten bien recomendables pola so orixinalidá y pola so xera propagandista. De xacíu, tán los clásicos. Pero al pie d´ellos, apaecen muitos que yo personalmente nin idea tenía. D’un bandu y d’otru. Anteriores y posteriores a la Guerra Civil. Y de temática non solo bélica, que suelen ser los más sopelexaos. Hai de les campañes electorales, bandos de guerra, campañes pa fomentar la educación, la hixene, el trabayu, de feries y temátiques sindicales…

Yo intenté recoyer los que teníen dalguna vinculación col fútbol, que nun son munchos la verdá. Asina que vos convidaría a que-y dediquéis tiempu y echéis un güeyu a la coleición. Si sois aficionaos a estos temes, daréis cuenta que merecen enforma la pena.

Quiciabes el más claru. En catalán. “los futbolistes reclamen l’ayuda a los refuxaos”. Y un xugador, con un balón n´una mano, sostien con xestu cariñosu a un neñu. Ye’l cartelu 1748.

Diada de la Mocedá con Gran Festival Militar Deportivu y un gran partíu internacional, Inglaterra-Cataluña, que representaríen miembros de les Trade Unions y del frente de Mocedá. Taben citaes pal 21 de marzu. Ta guardáu como’l cartelu númberu 506.

 

En Chamartín, yeren les Juventudes Socialistas Unificadas les que tamién entamaben una concentración deportivu-militar na que “Nengún mozu tien de faltar”, anque desconocemos el 7 de que mes y añu. Ye’l cartelu 759.

El campu del CD Español yera l’escenariu el 19 de xunu de 1938 de trés partíos benéficos, qu’enfrentaríen a los Leones Rojos (compuestu por ex xugadores de diversos equipos como Madrid, Murcia, Levante, Betis, Valencia…) frente a Español, Barcelona ya la Selección Catalana. A éstes, la crónica del primer alcuentru apaez nel Mundo Deportivo del 20 de xunu. El cartelu ye’l númberu 1746.

Del 1 al 7 de xineru de 1937, la Conseyería d’Economía de la Generalitat de Cataluña entamaba la selmana de la infancia. Nel cartelu puédese ver a dos neños contemplando diversos xuguetes, ente ellos un xuegu de mesa, un camión ya… un balón de fútbol. Cartelu 1680.

En 1942, cola guerra yá rematada el Estáu tien d’entamase. La central sindical d’Educación y Descansu, anima a los trabayadores a llevar una vida física activa. El lema, “El deporte na empresa ye rendimientu y allegría nel trabayu”. Y apaez un trabayador metalúrxicu en gran forma, cola fábrica por detrás y diversos deportes a los llaos, ente ellos, el fútbol na esquina derecha. Ye’l cartelu 2079.

Un añu más tarde en 1943, de nuevu la central Sindicalista repite eslogan pero agora apaez en primer planu un trabayador, de fondu, fabricas coles chimenees fumiando, un campu de fútbol y una piscina. Cartelu 2109.

De xacíu, si vos animáis a echa-y una güeyada a los cartelos y veis que dexé dalgunu. ¡Avisáime! Y vamos reparar l’erru.

Deporte Asturiano
Ayuntamientu de Xixón

Ellaces d'interés
Enlaces de interés


Contautu
Contacto


Por TLF: L-V 16:30 a 21:00
La Cruz: X de 19:30 a 21:30

Tienda: +34 636 517 376
Secretaría: +34 637 521 674
Prensa: +34 646 862 239
F. Femenino: +34 627 914 581
Dir. Deportivo: +34 618 149 800
Sec. Técnica: +34 646 862 239
Coord. Sala: +34 627 534 266
FAX: +34 985 348 426

Copyright ©2018 Unión Club Ceares

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies