Col fin de beneficiar a los nuesos socios y potenciar el fútbol de Tercer División, los dos clubes xixoneses de la categoría, Unión Club Ceares y U.D. Gijón Industrial, lleguemos al siguiente alcuerdu: los socios de dambos clubes que quieran asistir a un partíu como local del equipu vecín, solo van pagar 5€ d’entrada. Esto ye, la entrada pa un sociu del U.C. Ceares qu’asista a Santa Cruz a ver cualquier partíu del Xixón Industrial va ser de 5€, igual que pal sociu del Gijón Industrial que quiera asistir a La Cruz a ver al U.C. Ceares.

Esti alcuerdu va ser especialmente importante pa los dos derbis de la temporada (el primeru en Santa Cruz n’apenes unes selmanes), pero tamién pretende animar a los socios de dambos equipos a averase entá más al fútbol de Tercer División.

Postreros en dineru, primeros en corazón.