[Boxing Day] Día de les neñes y recoyida de xuguetes

Esti domingu a les 12:00 enfrentámonos al C.D. Llanes, y aprovechando la previa de les fiestes navidiegues, vamos disfrutar del nuestru particular ‘Boxing Day’: el “Día de los neños y les neñes” y de la solidaridá.

Ya ta equí’l nuestru Día de les caxes (en referencia a los regalos), que en La Cruz conviértese nun día dedicáu a lo más pequeño, sobre too a los los de la nuestra Escuela Mista de Fútbol. Como previa de las fiestes navidiegues, vamos vivir esi día nel que la reciella tien el protagonismu, disfrutando de sorteos especiales, regalos, llambionaes y demás, sin escaecer tampoco la solidaridá cola recoyía de xuguetes.

La reciella del nuestru fútbol base va saltar al verde col primer equipu nos prolegómenos del partíu, pa faer les yá tradicionales semeyes en prau, y postreramente disfrutar d’esti gran partíu y del ambiente familiar que va vivise’l domingu.

Demirntres el partíu vamos repartir llambionaes navidiegues, gominoles… y tamién vamos faer sorteos de xuguetes, cortesía del nuestru patrocinador Endor.

Amás, vamos tener en marcha l’avezada recoyía de xuguetes, en collaboración cola Rede de Solidaridá Popular Xixón. Xuguetes nuevos, xuguetes en buen estáu que tengas en casa y ya nun utilices… regala-ylos a quien los vaya a disfrutar, que toles families tengan regalos estes fiestes. Vamos tar recoyéndolos dende les 11:00 en La Cruz, y tamién dende la mesma hora nos campos de la Federación, en collaboración col C.D.Deva durante’l partíu qu’enfrenta al nuestru equipu xuvenil col suyu.

Esperámosvos en La Cruz pa disfrutar de la xornada ciarista más familiar; amosemos una vegada más esi “Últimos en dineru, primeros en corazón”.

Deporte Asturiano
Ayuntamientu de Xixón

Ellaces d'interés
Enlaces de interés


Contautu
Contacto


Por TLF: L-V 16:30 a 21:00
La Cruz: X de 19:30 a 21:30

Tienda: +34 636 517 376
Administración: +34 637 521 674

D. Deportivo Masculino: 646 862 239
D. Deportivo Femenino: 684 646 699
F. Base: 627 534 266
F. Sala: 626 803 590

Copyright ©2018 Unión Club Ceares