Ceares – Tapia: un día pa l’hestoria

Plantilla del Tapia C.F.

El sábadu ye’l día. Un club como’l Ceares, con más de 65 años d’hestoria, estrena lideralgu na categoría. Nun tuvimos tiempu casi a celebralo, agora toca defendelo.

Plantilla del Tapia C.F.
Plantilla del Tapia C.F.

L’afición teyera preparó de nuevu una gran fiesta, la ocasión asina la merez. Dende les 12:30 de la mañana van brindar pol equipu que tantes allegríes tán dándo-yos anguaño n’unu de los locales patrocinadores del club, el Café de Lola. Darréu, el Ceares piensa distintu, y  que l’equipu sía líder nun ye razón pa faer negociu, ye un motivu de celebración. Por ello, el próximu partíu ye decretáu como día del acompañante (cada sociu puede mercar entraes por solo 5€) dende la Directiva teyera.

El Ceares va presentar a la cita con series baxes. Per un sitiu Pichón, por mancadura, y Lozano, por acumuladura de cartulines marielles, nun van poder participar na convocatoria. Ye dulda tamién el delanteru Rubo, tres una fuerte entrada recibida’l pasáu miércoles nun amistosu frente a la Selección Asturiana xuvenil, que terminó con victoria por 2-4 pal equipu de la Teyerona.

Enfrente va tar el Tapia. Un equipu bien remocicáu esti branu, que con baxes de la talla de les de Mendi o Kike Fanjul, dambos xugadores de la Unión Popular de Llangréu esta temporada, tuvo que reforzase enforma pa salir a competir nuna de les temporaes más igualaes que se recuerden. A pesar de ser vicecolista, naide nel Ceares se fia del club visitante. Con una plantiya fabricada a base de xugadores bien nuevos, la mayoría recién salíos de xuveniles, consta que ye un equipu que puede esplotar en cualquier momentu.

El sábadu torna la folixa a La Cruz. El sábadu xuega’l Ciares.

0
    0
    Carrito
    Tu carrito está vacíoVolver a la tienda