[Ciares 1-0 Cuadonga] Lozano diz adiós con honor
El central xixonés, que abandona’l fútbol profesional, xugó’l caberu partido na Cruz, y despidióse de la afición con victoria.
[youtube]https://www.youtube.com/watch?v=Ex1XOgHVAaw[/youtube]
Les victories del Uviéu B y del Tuiya descafeinaban el duelu de La Cruz d’esta tardi, al perder el Cuadonga toa posibilidá de xugar play-off d’ascensu a Segunda B. Pero a pesar de la falta d’alicientes clasificatorios, nun faltaren noticies destacaes.
Ciares 1 – 0 Cuadonga
Ciares: Davo, Fonso, Lozano (Chipi 90′), Aitor, Chery (Berto 27′), Jorge Vázquez, Juan Carlos, Bryan, Jimmy, Cris Alonso (Raúl 46′), Ponte
Cuadonga: Chema, Piero (Porto 68′), Peces, Negredo, Enol, José Luis (Lula 62′), Pablo, Jaime, Christian (Pelayo 68′), Castañón, Diego
Goles: 0-1: Jimmy 65′
Árbitru: González Suárez, del Colexu d’Avilés. Amonestó a Aitor, Lozano y Jorge Vázquez por los locales, y a Christian y Negredo por los visitantes.
Incidencies: 300 asistentes nel campu de La Cruz. Terren de xuegu dalgo blandu. El partido valio como despidia pal xugador de casa Lozano. Durante la xornada desarrollose l’aconceyamientu pola posibilidá del cambiu de nome del Club local.
La primer noticia yera la vuelta de Raúl a una convocatoria. El finu extremu xixonés dexaba l’equipu al entamu la temporada por causes llaborales, y pa asombru de los aficionaos, torna a lo caberu d’ella.
La segunda noticia yera la despidia de Lozano. Defensa central que siempre rindio a un nivel peraltu nel Ciares, y que xugaba esta tardi’l caberu partido na Cruz. Pa la alcordanza, la so vuelta al terren de xuegu coxeando frente al Trival Valderas nel pasáu play-off.
La tercer noticia yera l’aconceyamientu pa votar si l’equipo siguía siendo’l Ceares, o pasaba a nomase Ciares, pol topónimu del barriu. Y por sólu 6 votos caltiense l’antiguo nome.
Futbolísticamente falando, pocu que cuntar. Abonda dexadez nun Cuadonga qu’apenes llevó peligru, frente a un Ciares que sigui axuntando baxes.
Anque los uvieinos foron los primeros n’asustar, con una falta dende la frontal, sos llegaes al área defendida por Davo podíen cuntase colos deos d’una mano.
Pol Ciares, la primera tuvola Bryan, quixo picar el balón penriba Chema, pero atayo’l porteru visitante.
Nueva mancadura na primer mitá, Chery enantes de la media hora dexaba’l so puesto a Berto, que xugaría a pierna camudada
Cris y Bryan poníen el xuego na Cruz, intentándolo peles bandes. Ensin embargu, les ocasiones escasiaben nas dos áreas. Al descansu, la vuelta de Raúl, sustituyendo a Cris, camudaba a Bryan de banda, encargándose de la manzorga, mientres el xixonés encargabase de la drecha.
Cuando diben 20 minutos d’esta segunda mitá, Jimmy,nun gran final de temporada, abría’l marcador nun guapu remate col calcañu nun balón serviu por Aitor.
D’ehí al final, sólu ocasiones llocales. Disparu de Bryan que se va escesivamente cruzáu, y una mui nidia pa Raúl, al yantase delantre Chema ya intentalu col interior. Por la so parte’l Cuadonga foi incapaz de disparar ente palos nestos 45 minutos.
Nel descuentu, Chipi relevaba a Lozano. Aplausos merecíos pal central xixonés. Homenaxe que siguió tres el pitíu final.