[Ciares 2-1 Industrial] El Ciares taramingó al Indus
Nuevu derbi pal Ciares, el cuartu y caberu d’esta temporada. Atopaben con un plenu de victories, pero enfrente alcontraban a un pernecesitáu Xixón Industrial, que marcho de la Cruz mui tocáu.
[youtube]https://www.youtube.com/watch?v=79vRaM7bwJ8[/youtube]
Enantes del partíu sobresalía el perbón afeutu ente les direutives, qu’ensin embargu nun ye correspondíu polos aficionaos. La piquilla xorres añu tres añu, anque últimamente paez que-y toca al Ciares tar perriba.
Ciares 2 – 1 Industrial
Ciares: Kike; Fonso, Lozano, Beni, Berto (Jorge Vázquez 64′); Aitor Cañedo, Juan Carlos; Bryan (Cris 67′), Jimmy, Chery y Ponte (Polo 71′)
Indus: Roberto; Queipo, Omar, Charly (Jorge 81′), Pelayo; Borja, Miki; Miguel (Alex 54′), Dani Alcalde (Javi Alonso 54′), Robles y Javi Manín
Goles:
1-0: Bryan 11′
2-0: Jimmy 29′
2-1: Javi Manín 75′
Árbitru: Valdés Díaz (Oviedo). Amonestó pol Ciares a Berto y Cris y pol Xixón Industrial a Charly y Roberto.
Incidencias: Alcuentru correspondiente a la xornada trigésimo quinta de la Tercer División d’Asturies cellebráu en La Cruz ante cerca setecientos espectaores. Terren de xuegu en bones condiciones.
Polo tantu, dos equipos frente a frente y muncha rivalidá, pero los de casa coles xeres feches, mientres que los visitantes teníenles por facer. Yeren por tantu los fabriles los favoritos, ensin embargu, pocu ficierón por llevase’l partíu. Nun daben esa sensación de superioridá nin de dominiu esperáu, sólu na primer xugada, con un tiru cruzáu de Robles, pudierón camudar el signu del partíu.
Ceu entamo’l Ciares a facese col encuentru, y nuna contra llevada por Ponte, con fallu de Roberto, resolvio Bryan. Adelantáronse nel marcador ensín facer méritos hasta esi momentu.
Cuasi trancaba Jimmy el partíu. Xu dende mui lloñe que s’envenena al pegar nun contrariu, ensin embargu paez que’l porteru pudo facer daqué más, munchu más.
Con 2-0 tan ceu, y ensin arriesgar nada, el derbi paecía que diba quedase nos Pericones. L’Indus ponia-y enfotu, pero ensin argumentos. Inclusu pudo sentenciar Aitor col terceru, pero el so gol foi anuláu por fuera xuegu.
La segunda metá llevaba’l mesmu ritmu. El Ciares tranquilu y l’Indus a intentar que pasara dalgo que variara’l partíu. Pasaben los minutos y Kike apenes tenia qu’intervenir, con una defensa y un mediucampu perfeutos.
La entrada al prau de Jorge Vázquez camudo l’encerau, pasando a xugar con tres mediocentos retrasando Chery la so posición al llateral, mientres que les entraes de Cris y Polo peles bandes aportaben velocidá y verticalidá.
Recortaba diferencies l’Indus por mediación de Javi Manín tres un rechace. Con media hora per dellante podia camudar la decoración. Pero sólu yera un espexismu, los fabriles siguierón con so quiero y nun puedo, ensin crear peligru.
De fechu’l mayor peligru llevolu’l Ciares. Perguapu centru del capitán teyeru, con rosca y remate espectacular de Jorge Vázquez. El balón fuese al poste na ensin dubia, la meyor xugada del partíu.
Al final los puntos quedaron en casa. El Ciares caleya derechu facia la sesta plaza. Al Indus toca-y sufrir una temporada más. De momentu manden los coloraos.
