Cinco finales pa salir del abismu

El Xixón Fútbol Femenín va xugase la permanencia nunes cinco últimes xornaes frenétiques, que combinen rivales de la parte alta con rivales directes.

Aida nel partíu ente’l RSG | Semeya Menchu Vigil

Les últimes xornaes nun fueron fáciles pa les xixoneses. L’alcuentru ente’l Real Sporting en Mareo, onde s’impusieron les roxiblanques nos últimos minutos, presaxaba lo que diba ser la dinámica nes siguientes xornaes, con un Xixón F. Femenín cuayando buenos alcuentros pero sacando escasu beneficiu de los mesmos.

El partíu contra les coruñeses del Victoria foi un d’esos nos que l’empate supo a derrota, con multitú d’ocasiones que nun se pudieron materializar y que facíen volar dos puntos. Con ellos diba parte del colchón sobre’l descensu y aumentaba la presión ente los dos siguientes duelos ente rivales de la parte alta de la tabla.

Rozóse puntuar contra l’Ave Fenix, cayendo solo por un gol nun feudu mui complicáú, y tocaba esperar a un Deportivo que llegaba a Xixón como segundu clasificáu a la caza del Uviéu Modernu. Empezaben bien les llocales, con una ocasión clarísima que nun pudieron materializar, pero dos mazazos del Depor enantes del primer cuartu d’hora dexaben el partíu mui cuesta arriba. Nun hebo remontada, y eso nos dexaba na situación actual, nel primer puestu de descensu a tres puntos de la salvación.

A falta de cinco xornaes, les nuestres van enfrentase a rivales directes como l’Arousana, partíu de la próxima xornada en Pontevedra, onde se fae imprescindible conseguir los tres puntos al tratase de les colistes de la categoría.

Va venir a continuación el Sárdoma, na zona tranquila de la tabla y ensin opciones per riba nin per baxo, un partíu onde la intensidá y la necesidá pueden marcar la diferencia, y van repetir en Roces ente’l Monte, equipu que pasó tola primer vuelta en puestos de descensu pero que foi de menos a más tanto en xuegu como en resultaos, situándose agora cuatro puntos per delantre de les teyeres.

Tres d’el viaxe a Friol, tou un güesu, terceres de la categoría pero que dexaron dos puntos en Xixón na ida, va cerrar la temporada un derbi asturianu ente un Femiastur que va garrando los rivales que dexamos, y que por tanto comparte dificultá nel calendariu.

Cinco finales pa salvar la categoría nun final de lliga trepidante, col oxetivu de salvar la categoría nacional que ye exáctamente onde-y corresponde tar a esti equipu.

Deporte Asturiano
Ayuntamientu de Xixón

Ellaces d'interés
Enlaces de interés


Contautu
Contacto


Por TLF: L-V 16:30 a 21:00
La Cruz: X de 19:30 a 21:30

Tienda: +34 636 517 376
Secretaría: +34 637 521 674
Prensa: +34 646 862 239
Sec. Técnica: +34 646 862 239
F. Femenino: +34 635 899 370
F. Base: +34 618 149 800
F. Sala: +34 627 534 266

Copyright ©2018 Unión Club Ceares