Avérase la fin de selmana y ell momentu de repasar lo que socedió na cantera ciarista la postrera xornada, según recordar los horarios por que madres, padres y aficionaos puedan entamar el so fin de selmana de puru fútbol.

Filial

U.C. Ceares B 3 – 2 Independiente C.F.

El filial enfrentábase al lider de la categoría nuna apacible mañana de domingu. L’equipu de Lieres, con xugadores bien esperimentaos, quixo imponer el so veteranía convirtiendo’l partíu nun cuerpu a cuerpu con balones llargos y muncha verticalidá, pero los rapazos del filial consiguieron nun arimase y siguir siendo fieles al so estilu. Tres un toma y daca nel marcador, con un gol inicial de Ciares que fué remontáu xustu antes del descansu polos independientes p’asitiase unu a dos, los mozos Ciaristas repunxéronse y pa rematar la remontada con un claru penalty a escasos minutos del final por manos d’un central lierense, que se vió traicionáu pol fuerte vientu.

Con esta victoria’l filial métese de llenu nel grupu de cabeza a tan solu dos puntos del lider.

 

Xuveniles

Victoria B 1 – 4 U.C. Ceares

Partíu ensin afogos pa los chavales de Manolo, qu’apoderaron de principiu a fin y que namás vieron esmolida la so portería en contaes ocasiones, consiguiendo’l gol del honor el Victoria B a escasos minutos del final. Nesti momentu l’U.C. Ceares apodera’l so grupu con autoridá, a la espera de recibir a l’Asunción C.F. B, equipu na zona sele de la clasificación, na mañana del domingu.

 

Alevines

E.F. JIN 0 – 5 U.C. Ceares

Tenía qu’acabar llegando la victoria de los alevines y consiguiéronlo con contundencia nel primer partíu que-yos enfrentaba a un equipu tamién de primer añu. Un primer tiempu bien disputau, que remató con 0 – 1 nel marcador y un gol anuláu a los locales per fora de xuegu, dió pasu a una segunda parte de claru dominiu visitante, non ensin qu’antes el porteru ciarista realizara dos bones intervenciones qu’evitaron un empate que podría camudar el sinón del partíu. Tres esti tatexu inicial, l’equipu repúnxose y con gran efectividá inclinó la balanza del llau de los de La Teyerona, marcando dellos goles de guapa factura.

 

Benxamines

Arenal D 1 – 4 U.C. Ceares

Nueva victoria y bon partíu pa siguir colíderes de grupu al pie d’un Veriña que tampoco afloxa.

U.C. Ceares B 2 – 2 U.D. Gijón Industrial B

Una primer parte con dominiu más bien visitante, y una segunda na que por ocasiones los nuesos guah.es merecieron la victoria, pero atoparonse col porteru visitante y dellos balones que salieron raspiando’l poste. Partíu bien entreteníu y emocionante pa los espectadores que se rexuntaron nel pabellón de Ciares.

Gijón El Llano 9 – 6 U.C. Ceares C

Tres una gran primer parte, na que colaron con tres goles de ventaya al descansu, un pocu de relaxación y l’emburrie local fixeron que’l marcador diera la vuelta y la victoria cayera del llau de los del Llanu, que realizaron un meritoriu partíu.

 

Prebenxamines

U.C. Ceares 7 – 0 Estudiantes C.F.

Quinta victoria consecutiva y gran partíu d’un equipu que va a más, y que s’asitia por méritos propios na parte alta de la clasificación. Gran progresión la de los nuesos prebexamines más veteranos.

S.D. Llano 2000 17 – 0 U.C. Ceares B

El marcador escuende un motivu bien importante pal prestu, y ye que con muncha concentración y esfuerzu, na primera parte l’equipu llantó-y cara al lider del grupu y fuéronse al descansu con un bien meritoriu 4 – 1. Naide dixo que’l saltu fora a ser fácil, pero en concencia en diversión y aprendizaxe nun nos ta ganando naide.

 

Nueva cuenta trás pa ver saltar al futuru y presente del U.C. Ceares a los campos y pistes de Xixón, como siempres… ¡PUXA CIARES!

Horarios:

[eventlist start=”2013-11-15″ end=”2013-11-18″ limit=10]