El B vence y convence [7-2]

U.D. Sariego

Estupendu empiezu de temporada pa los nuesos cachorros del B. Los partíos como local cuentense por victories, y el partíu de fuera casa perdiose por un erru que los condergó a la derrota.

U.D. Sariego
Escudu de la U.D. Sariego

El partíu del domingu tuvo un claru dominiu local mientres los 90 minutos. El Sariegu viose impotente ante’l xuegu local.

Abría’l marcador nel minutu 19 Priendes, xubiendo’l 1-0. Y namás 3 minutos dempués, Carlos marcaría’l golazu de la tarde. Casi dende mediu campu, sosprendía al porteru visitante con un disparu que se colaba percima so.

Nos últimos minutos de la primera parte pasaríen munches coses. Primero Óscar xubía’l 3-0 al marcador nel minutu 34. Namás dos minutos dempués retayaba diferencies el Sariegu al traviés del so delanteru Borja Pezón.

Ceares B 7 – 2 Sariego

Ceares B: Iván, Fran, Arturo, Jordán, Marcos, Prendes, Hevia, Fer, Aitor, Carlos, Óscar. Pa posibles sustituciones: Marcos, Pastor, Keita, David y Patxi.

Sariego: U.D. Sariego: Joaquín, Héctor, José, Adrián, David, Jairo, Suárez. Abraham, Borja, Montes y Efrén. Nel bancu: Alejandro, Acero, Adrián y Antonio.

Nel minutu 43, yera Aitor quien marcaba y casi sentenciaba, una y bones un minutu dempués el visitante David Fernández yera espulsáu por repitíes protestes.

Con 4-1 nel marcador, y un xugador más, el partíu taba claramente decantáu pa los de la Teyerona.

Na segunda parte, yera David quien marcaba’l quintu, tres una guapa xugada colectiva. Corría’l minutu 65. Nel 75, Marquinos yera baltáu dientro de la área, y l’árbitru decreta penalti. Patxi, tou un especialista en penes máximes, llanzaba con gran clase’l penalti y asitiaba el 6-1.

Encurtiaba distancies el Sariegu a falta de 8 minutos, con gol de nuevu de Borja. Y yá nel 85, yera Carlos el que consiguía’l so doblete.

A la fin, resultancia contundente pal Ceares B, que los asitia nos puestos de riba.

Destacar a Carlos polos locales, xugando un gran partíu primero na medular y depués en punta; y al visitante Borja pol so doblete.

0
    0
    Carrito
    Tu carrito está vacíoVolver a la tienda