El filial debuta con victoria

Escudo del Iberia de Bimenes

Debutaba’l Ceares B esti fin de selmana, y fízolo de la meyor de les maneres posibles, con victoria. Fízolo amás con bon xuegu, y nun partíu cargáu de goles y emoción.

Escudo del Iberia de Bimenes
Escudu del nuesu rival el Sábadu

Enfrente teníen al Iberia de Bimenes, equipu recién baxáu, y que de xuru lluchará por recuperar la categoría mientres esti cursu.

El primer gol llegaba nel minutu 25. Sacaba una faltaba Carlos pasada al segunda palu, y yera Aitor quien remataba y adelantraba a los nuesos.

7 minutos dempués llograba l’empate’l Iberia. El filial comete una inocente falta, y el disparu colose pola mesma escuadra. 1-1.

Pese al empate, el partíu paecía local. Yera’l filial quien apoderaba’l partíu, mientres el Iberia intentaba parar el ritmu a base de faltes. Cuando paecía que se llegaría al descansu n’empate, Aitor aprovechose d’un fallu defensivu pa dise en velocidá y marcar un golazu.

Namás quedaben cuatro minuto pal descansu, al que fuimos con esi momentaneu 2-1.

La dinámica de la segunda parte yera idéntica a la de la primera. Un Ceares B dominante, y creando bon xuegu. Ello ye que de nuevu Aitor tenía una ocasión clara, pero’l so disparu díbase’l llargueru y botaba sobre la llínea de gol.

Pero sería el Iberia quien cutiera. Con un discutible penalti señaláu nel minutu 57 aprovechose pa volver empatar el partíu.

Con pocu más de media hora per delantre, el Ceares B nun taba dispuestu a dexar los puntos. Movió’l banquín, y entraron al campu Marcos y Pedro, sustituyendo a David y Óscar. Y yera el mesmu Pedro, de gran xugada, quien adelantraría al filial.

Namás 4 minutos dempués, yera Arturo el que xubía al marcador el 4-2. El partíu paecía resueltu, pero los visitantes sacaron a rellucir el so veteranía, buscando’l contactu colos nuesos mozos xugadores.

Nel minutu 88 l’Iberia amenorga diferencies de nuevu. Namás quedaben 2 minutos más l’agregu, pero hubo tiempu pa mas.

En definitva, los 3 primeros puntos pa los nuesos, tres un bon partíu. Empezar sumando una victoria siempres da tranquilidá y aire.

Los más destacaos del nuesu filial fueron Aitor, polos sos goles y los sos constantes desmarques, y Carlos y Fer pol so llabor na medular.

Deporte Asturiano
Xixón Deporte
Programa Impulso 23

Ellaces d'interés
Enlaces de interés


Sercotel Partner

Contautu
Contacto


Acreditaciones

Por TLF: L-V 16:30 a 21:00
La Cruz: X de 17:00 a 20:30

Tienda: +34 636 517 376
Administración: +34 637 521 674

D. Deportivo Masculino: 646 862 239
D. Deportivo Femenino: 684 646 699
F. Base: 627 534 266
F. Sala: 626 803 590

Copyright ©2018 Unión Club Ceares

0
    0
    Carrito
    Tu carrito está vacíoVolver a la tienda