Con gran arribación de públicu, roblando la meyor entrada de la temporada, el Boxing Day partió regalos, duces… y tres puntos.

La primera gran noticia de la xornada foi’l sol que llucía desque amaneció. Enforma que preparar en La Cruz y ye qu’el Boxing Day ye’l día más esperáu, un día llenu de novedaes, sorpreses pa los más pequenos y esfrute pa les families. La recoyida de xuguetes yera unu de los actos centrales, y gracies a la solidaridá de tola masa social ciarista y a la Rede de Solidaridá Popular que la llevó alantre, foi un ésitu inclusive mayor qu’otros años.

Tamién ls peques qu’asistieron al campu tuvieron premiu, y ye que gracies a el nuesu patrocinador Endor y a la collaboración una vegada más de la masa social, tods consiguieron un regalu nel tradicional sortéu del nuesu Boxing Day con más de 100 xuguetes.

Yá nel verde, profútbol, prebenjamines, benxamines, alevines ya infantiles de la Escuela Mista de Fútbol (tantu del U.C. Ceares como del Xixón F. Femenín) saltaron al verde col equipu, faciendo les semeyes de familia de rigor. Y entá faltaba’l premiu final, ente gominoles, piruletas y sorteos, el primer equipu cearista regalábanos un gran partíu que al pitar l’árbitru’l final convertiase en tres puntos.

La temporada que vien repitimos, ¡Puxa Ciares!