Restolando los raigaños populares del fútbol

Fútbol de barriu, pal barriu

Na Temporada 2011-2012 el club sufre un xiru de 180º al facese cargu una directiva nueva con una llínia crítica contra’l fútbol negociu, reivindicando una visión popular y social d’esti deporte, más asemeyada a otros clubes del movimientu del Fútbol Popular.

Nel añu 1946, dos equipos de Xixón, el Reconquista ya’l Fortuna, nun taben pasando pol so meyor momentu y deciden xunir los sos destinos formando un equipu de fútbol nuevu y únicu pal barriu, l’Unión Club Ceares.

Na temporada de 1964/65, siendo presidente D. José Ramón Elvira Sastre, dempués de militar en categoríes rexonales el club algama l’ascensu a Tercera División por primer vez, anque diba volver a baxar al añu siguiente.

Hasta los años setenta’l club xuega per diferentes campos de la ciudá hasta que por fin, a mediaos d’esa mesma década, cola construcción del campu de La Cruz, l’Unión Club Ceares puede xugar nel so barriu. La Cruz construyóse enfrente de les viviendes obreres de La Teyerona, nun terrenu dientro de lo que güei formen Los Pericones.

Hasta 1986 siguió militando en categoríes rexonales cuando llogra volver a la categoría nacional calteniéndose ellí dos temporaes consecutives. Nes temporaes 2001-02 y 2002-03 consigue dos ascensos consecutivos dende Primera Regional hasta Tercera División, l’últimu de la mano de Rogelio García qu’entrenó al equipu durante siete años, con un breve paréntesis en 2007, consiguiendo la primera temporada’l citáu ascensu y manteniéndolu en Tercera les seis siguientes, lo que supón el mayor períodu del club nesta categoría.

En 2009 Florentino Angulo entrenó al club, dempués de que xente como José Antonio Redondo o otra vez Rogelio García entrenaren al equipu.

Na Temporada 2011-2012 el club sufre un xiru de 180º al facese cargu una directiva nueva con una llínia crítica contra’l fútbol negociu, reivindicando una visión popular y social d’esti deporte, más asemeyada a otros clubes del movimientu del Fútbol Popular.

No deportivo, con esta xestión nueva, el primer añu consíguese salvar la categoría, oxetivu que sigue manteniéndose con humildá temporada tres temporada dende entós, aspirando siempre a más aún teniendo los presupuestos más baxos de la categoría.

No social, dende que la nueva directiva ta al cargu aumentó la masa social, implicando al barriu y a los socios y socies cada vez más na xestión del club, faciendo conceyos, recoyíes d’alimentu o material escolar, alcuentros lliterarios, manteniendo contactu cola AAVV de Ciares, etc.

Florentino Angulo dexa pasu a Nacho Cabo na Temporada 2012-13. Baxo’l mandu de Nacho Cabo naz el nomáu Ciares de los récors, calteniendo nun sólo la categoría, oxetivu primariu del club, sinón batiendo récors de’imbatibilidá del club, faciendo de La Cruz una fortaleza y algamando’l club por primer vez na so historia xugar la promoción d’ascensu a Segunda B. Nesta fase de promoción l’Unión Club Ceares enfréntase na primer vuelta al Águilas F.C pasando de ronda pa despedise del suañu al perder contra’l madrilán Trival Valderas.

Demientres esta xestión nueva fueron creándose añu a añu más categoríes dientro del fútbol base, teniendo un pesu enorme dientro’l club, dientro d’un ambiente familiar y cercanu, nel que los neños disfruten practicando un deporte amás de meyorar técnicamente, fomentando yá nestes categoríes la cooperación, el respetu, l’esfuerzu y regugando los aspectos más negativos que se ven diariamente na sociedá, y por ende nel fútbol, como son el racismu, la homofobia y especialmente el sexismu.

Toos estos proyectos culminen na Temporada 2015-16 na creación de la Escuela Mixta de Fútbol. La EFM naz de la collaboración ente’l U.C Ceares y el Gijón Fútbol Femenino col oxetivu de crear un fútbol base pa toes. Un fútbol nel que toes temos a gustu, collaboremos y sintamos nuestru, fomentando amás de técnica deportiva, pasión por un deporte y unos valores dignos pa estes categoríes que van ser el futuro del club.

Un poco d’hestoria

Procesu fundacional

1946 – 1948
Procesu fundacional, que s’anicia cola desaparición del Blancoval, la fundación y prácticamente inmediata fusión con el Reconquista del Fortuna de Ceares, para constituir el Unión Club de Ceares, nome orixinal del club. El so campu de xuegu será en Viesques, d’aquella indiscutida parte de Ciares.

Estrénase l’uniforme actual

Setiembre 1948
El club estrena los que serán los sos collores de la so equipación hasta los nuesos díes.

Ascensu a 1ª Rexonal

Temporada 48/49
Namás rexistrase el club na competición federada asturiana, consigue el primer ascensu na primera temporada que disputa estes competiciones.

Fusón col Deportivo Gijonés

Agostu 1961
El Real Sporting de Gijón deshazse del so filial más humilde, que fusiónase col Unión Club Ceares dando llugar al Unión de Ceares Gijonés, nome oficial del club aunque poco utilizáu anguaño en decrimentu del fundacional.

Primer ascensu a 3ª División

Temporada 64/65
El club clasifícase segundu na temporada 64/65 y asciende a 3ª División por primer vegada na so hestoria, amás cuando realmente yera el tercer nivel del fútbol del estáu.

Inauguración de La Cruz

Xineru 1978
El Ciares abandona el campu de Viesques, nel que venía xugando dende 1948, y muévese al nuevu campu construyíu sobre unos terrenos cedidos por dos vecinos y levantáu polos sos socios y directivos. El Club Condal será el so rival nesta presentación.

Vuelcu nel modelu de xestión

Branu de 2011
La directiva que n’aquel momentu lleva ya munchos años al frente del mesmu decide abandonar, plantegando la posibilidá d’una fusión con otru club llocal. Ante ello, un grupu d’amigos que cuenta con ex-futbolistas, socios y vecinos del barriu decide dar un pasu al frente y empezar a perfilar lo que será el nuevu modelu asambleariu del club.

Meyor clasificación hestórica en lliga y disputa del play-off d’ascensu a 2ªB

Temporada 13/14

El UC Ceares bate tolos sos records hestóricos y clasifica en tercer posición.

Elminará al potente Águilas F.C. murcianu en primera ronda pero cayerá dramáticamente en Madrid escontra’l el C.D. Trival Valderas, dexando recuerdos que nun va escaecer ni l’afición ni el barriu.

“Fusión” col Gijón Fútbol Femenino y creación de la Escuela Mixta de Fútbol

Temporada 15/16

La asamblea de socios del club decide que ye momentu de dotar al mesmu de categoríes femenines, siendo el primer pasu entruga-y al Gijón Fútbol Femenino como llevalo a cabo. Nestes conversaciones xurde la posibilidá de collaborar y trabayar conxuntamente, dando llugar a una fusión en la práctica y a la creación de la Escuela Mixta de Fútbol.

En 2020 la mesma incorpora a un nuevu club asociáu, el Veriña C.F. pa ser el núcleo del fútbol base de campu masculin.

Deporte Asturiano
Ayuntamientu de Xixón

Ellaces d'interés
Enlaces de interés


Contautu
Contacto


Por TLF: L-V 16:30 a 21:00
La Cruz: X de 19:30 a 21:30

Tienda: +34 636 517 376
Administración: +34 637 521 674

D. Deportivo Masculino: 646 862 239
D. Deportivo Femenino: 684 646 699
F. Base: 627 534 266
F. Sala: 626 803 590

Copyright ©2018 Unión Club Ceares

0
    0
    Carrito
    Tu carrito está vacíoVolver a la tienda