[L.luarca 0-3 Ciares] La crónica más feliz
El Ciares llogra la mayor xesta de la so hestoria al clasificase pa los play-off pol ascensu a Segunda División B tres la so victoria en La Veigona ante’l L.luarca.
[youtube]https://www.youtube.com/watch?v=l2fjGWT-824#t=28[/youtube]
Trixésimu octava crónica qu’escribo anguaño, y enfrenté a la más difícil de toes elles. Cuesta dixebrar cabeza de corazón cuando lleves siguiendo tol añu a esti equipu, cuando sufristi, cuando te allegrasti, cuando te tiñazaben los nervios. Un equipu que, cuando se clasifica pa play-off, tou él cellebra, xugadores, aficionaos, cuerpu técnicu, directiva. El Ciares ye un club deportivu, unu como pocos yá.
L.luarca 0 – 3 Ciares
L.luarca: Llopis, Sariego, Torres, Miranda (Orly 57′), Labrado, Cristian, Alonso, Gabri, Adri, Carlos Manuel (Aitor 66′), Pelayo
Ciares: Kike, Fonso, Lozano (Rigo 46´), Borja Noval (Óscar Ruiz 60′), Aitor Cañedo, Juan Carlos, Pichón (Rubo 63′), Pablo Martínez, Jimmy, Pelayo Torre, Borja Argüelles
Goles: 1-0: Pelayo Torre 17′
0-2: Pablo Martínez 21′
0-3: Borja Argüelles 79′
Árbitru: Baniela García. Ensin complicaciones. Amonestó a Alonso polos locales y a Kike polos visitantes.
Incidencieas: Partíu correspondiente a la última xornada de la Lliga de Tercera División, disputáu en La Veigona ante 400 persones, más de la metá d’ellos seguidores del equipou visitante. En los prolegómenos guardose un minutu de silencio pola muerte de los neños del CD Monterrubio.
Poca hestoria deportiva, el Ciares precisaba un puntu, y el L.luarca nun se xugaba nada. Y de normal estos partíos llévalos quién más lo precisa. Gran noticia pal Cieares la vuelta de Pichón, cuayando un enorme partíu frente a los sos ex.
Empezaba yá fuerte’l cuadru de Nacho Cabo. Llegando a la área. Los llaterales bien enriba y buscando entrar per bandes. Partíu bien controláu, nun se diba escapar.
Y llegó Pelayo Torre. Controló’l balón y dende veinticinco metros soltó un barrenazu que se cola por altu. Deliriu na grada. El Ciares casi tenía la clasificación. Poco dempués, Pablo Martínez cerraba una temporada escepcional al marcar de nuevu. Dispara pembaxo y sentenciaba el partíu. El trabayu taba fechu. Setenta seles minutos per delantre, por fin teníamos tranquilidá anguaño.
El primera aproximamientu local nun llegó hasta’l minutu 30, balón llargu al que Kike nun llega y vese forzáu a facer falta. Tarxeta mariella pal cancerberu visitante.
La segunda parte siguió igual. La xente namás quería escuchar los trés pitíos que marquen el final del partíu. Lozano quedaba ensin ovación al ser sustituyíu nel descansu, pero Borja Noval y Pichón, dos pilastres nel vestuariu, sí pudieron recibiles.
Borja Argüelles, otru xugador que rindió a un nivel enorme, ponía’l broche d’oru al bater penriba a Llopis.
Quedaben diez minutos y el colexáu nun pitaba. El tiempu pasaba adulces. Yá se vía a la xente sobre’l muriu. Suenen los trés pitíos…
Y empezó la fiesta.