Un proyeutu pioneru

Frayando muries nel fútbol

El nuesu oxetivu ye crear un fútbol base pa toos y toes, con unos valores firmes, y unes estructures nes que sofitar el crecimientu tanto de los propios clubes como, especialmente, del fútbol femenín na ciudá.

LA ESCUELA MISTA DE FÚTBOL NAZ A TRAVÉS DE LA COLLABORACIÓN DE DOS CLUBES, UNU PREMIMENTEMENTE MASCULÍN (U.C. CEARES) Y OTRU FEMENÍN DAFECHU (GIJÓN FÚTBOL FEMENINO). EN 2020 VA SUMASE UN TERCER CLUB, EL VERIÑA C.F.

La escuela abarca dende la categoría de Pro-Futbol, onde munches neñes y neños tienen la primer toma de contactu col deporte, hasta la categoría d’Infantil. Tres d’ella entama a orientase’l trabayu a la preparación de xugadores pa competir colos primeros equipos del U.C. Ciares y del Xixón Fútbol Femenín, que ye otru de los oxetivos fundamentales del fútbol base.

Consideramos que pa’l desarrollu del proyecto de la escuela ye imprescindible qu’haiga neñes y neños, mocedá, vecines y vecinos, families, etc. que s’identifiquen con él y lu sientan como suyu. Son ellos y elles quienes tienen de garantizar la so pervivencia: siendo técnicos y tecniques, directives, collaboradores y desendolcando llabores n’ambos clubes y la escuela.

El fútbol tien un gran potencial y ye un vehículu de valores. Dende la EMF queremos fomentar la responsabilidá, la cooperación, el compañerismu, l’esfuerzu, el respetu, y refugar, con más firmeza de la que ye habitual nel mundu del fútbol, el racismu, la homofobia y especialmente el sexismu, que tanto llastra a la consideración de les muyeres como deportistes y futbolistes.

El nuestru oxetivu ye tabién enseñar fútbol, coles sos cuestiones técniques y estratéxiques, ayudando a la reciella y la mocedá a desarrollar el so potencial y propiciar que’l fútbol siga acompañándolos y acompañándoles d’adultes, seya cual seya’l nivel competitivu qu’algamen.

Estos motivos son los que propiciaron la collaboración ente los clubes y la creación d’esta Escuela Mista de Fútbol.

Descubri más sobre la EMF

Collaboradores

Amás de los clubes que la formen, la Escuela Mixta de Fútbol fae delles collaboraciones con clubes hestóricos de la ciudá, colo que creamos sinerxíes que beneficien a les xugadores asi como a les estructures del fútbol base, evitando la masificación o la falta futbolistes, ya pruyendo una cultura de collaboración nel fútbol base de Xixón.
Escudo del AD Lloreda

Asociación Deportiva Lloreda

Fundáu en 1982

En 1980 anicien los trámites de creación de la Asociación Deportiva LLoreda, que finalizaríen en 1982

Una fusión del Riestra y el Tremañes que ñacía cola intención nun solo de revitalizar el fútbol na zona, sinon también de fomentar l’esposigue del barriu ya convertise nuna alternativa pa los mozos de la zona nuna época complicada pola fuerte influencia de les drogues.

Cultural Deportiva de Aboño

Fundado en 1929

La Cultural y Deportiva de Aboño, fundada en 1929, ye un de los clubes más antiguos del fútbol asturianu, anguaño milita na Segunda Rexonal.

Xuega los sos partíos nel Campu Gómez Lozana, xusto na llende ente los conceyos de Xixón y Carreño.

Deporte Asturiano
Ayuntamientu de Xixón

Ellaces d’interés
Enlaces de interés


Contautu
Contacto


Por TLF: L-V 16:30 a 21:00
La Cruz: X de 19:30 a 21:30

Tienda: +34 636 517 376
Administración: +34 637 521 674

D. Deportivo Masculino: 646 862 239
D. Deportivo Femenino: 684 646 699
F. Base: 627 534 266
F. Sala: 626 803 590

Copyright ©2018 Unión Club Ceares