Organización

L’Unión Club Ceares caltiénse de pies dende’l 1946 gracies a la collaboración desinteresada de bien de socies. Dende’l 2011 intentamos da-y un aquel más participativu al club, faciendo porque les socies seyan les protagonistes, non namás nel papel, si non que na práctica tomen toles decisiones relevantes. Como en tolos clubs un grupu de socios forma la Xunta Directiva, l’órganu que xestiona’l día ente día del club, pero que nel nuestru casu subordínase siempres al mandáu de l’Asemblea de Socies.

El sociu

El sociu, l’aficionáu, ye l’exe central del nuestru club. Amás de les asemblees, el sociu siempres tien La Cruz abierta pa dir a charrar, a tomar una cerveza, o a suxuriar cualesquier propuesta. El nuestru club ye una familia pequeña onde la llinia ente’l sociu directivu y el sociu non directivu ye difusa y circunstancial.
Son munches les socies que d’una o otra manera collaboren nes xeres del club, dalgunes pasando a ser directives con posterioridá. El trabayu de les socies ye básicu pa que l’equipu salga alantre y amuese lo cierto del nuestru “postreros en dinero, primeros en corazón”.

L’Asemblea de Socies

Ye l’órganu superior de decisión nel club. Aconceya a lo menos una vegada cada dos meses (inclusive una asemblea xeneral al final de temporada) y nella decídense toles cuestiones importantes respecto de la entidá, amás d’informase a les socies de cualesquier circunstancia relevante.

La Xunta Directiva

Fórmenla un grupu de socies escoyíes pola Asemblea Xeneral y el so papel ye xestionar el día ente día de la entidá. Entendemos la Xunta Directiva como un grupu de trabayu qu’executa decisiones de carácter operativu, ye la cara visible del club, y coordina tol trabayu alredor del club.

Los sos miembros comprométense a dedicar de manera desinteresada gran parte del so tiempu a la entidá. Amás de les asemblees bimensuales onde les socies deciden el camín del club, hai un contactu informal diariu ente socies directives y socies non directives que permite conocer suxerencies o crítiques.

Deporte Asturiano
Ayuntamientu de Xixón

Ellaces d'interés
Enlaces de interés


Contautu
Contacto


Por TLF: L-V 16:30 a 21:00
La Cruz: X de 19:30 a 21:30

Tienda: +34 636 517 376
Secretaría: +34 637 521 674
Prensa: +34 646 862 239
F. Femenino: +34 627 914 581
Dir. Deportivo: +34 618 149 800
Sec. Técnica: +34 646 862 239
Coord. Sala: +34 627 534 266
FAX: +34 985 348 426

Copyright ©2018 Unión Club Ceares

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies