Llegó l’hora del Prebenxamín B: resumen del fútbol base

U.C. Ceares Alevín 13/14

Veníamos siguiendo de cerca nes últimes selmanes al nuesu Prebenjamín B, que cada vez se diba faciendo meyor col pulsu de la categoría y afaciéndose al saltu al fútbol federáu, y nesta selmana amás de celebrar como siempres lo aprendío y esfrutao, llograron un pequenu pagu na resultancia que magar ye siempres bien secundariu nel fútbol base, animar y da-yos enfotu.

Otra manera, una nueva xornada d’ésitos nel fútbol base que damos en resumir de siguío.

Prebenxamines

Veriña B 1 – 7 U.C. Ceares

A pesar de que l’equipu local intentar con bon criteriu mientres tol partíu, los nuesos amosáronse cimeros y consiguieron una victoria cómoda, siquier nel marcador.

U.D. Gijón Industrial E 2 – 2 U.C. Ceares B

Como antemanábamos nos titulares, llegó’l primer puntu de la xornada pa los más pequenos, nun partíu nel que pudieron llevase inclusive la victoria. ¡Norabona a toos/es!

Benxamines

U.C. Ceares 3 – 2 E.F. Viesques

Partíu bien igualáu ente los dos primeros clasificaos del grupu que se llevaron los nuesos con gran trabayu. Cuarta selmana como líderes de grupu, agora con más marxe sobre’l segundu clasificáu.

Codema B 1 – 4 U.C. Ceares B 

Tres una regular primer parte nel que fueron perdiendo 1-0, al descansu los nuesos ameyoraron y dieron la vuelta a la resultancia llevándose los trés puntos.

U.C. Ceares C 3 – 6 C.D. Lealtad

Salió l’equipu un pocu dormíu y ensin ritmu de partíu, y pasó lo que suel pasar: descansu y 1-4. Na segunda parte ameyoróse y diose guerra al líder de grupu.

U.C. Ceares Alevín 13/14
U.C. Ceares Alevín

 

Alevines

U.C. Ceares 2 – 5 C.D. La Braña B

Resultancia bien engañosa’l que se dió nel campu nº1 de la Federación, nun partíu con dellos despistes defensivos per parte de dambos equipos, y nos que’l balón solo quixo entrar del llau de los azulgranas. Dos llargueros y la mala suerte torgaron una resultancia más reñida nun partíu nel que los nuesos fixeron un bon papel y demostraron qu’acaldía tán más fuertes y más compenetrados.

Xuveniles

U.C. Ceares 8 – 0 C.D. Lloreda

Como puede albidrase pola resultancia, el partíu nun tuvo color. El xuvenil asítiase agora en segunda posición a la caza del lider, el Colexu Inmaculada C.

Yá queda menos por que ruede el balón ente’l futuru del U.C. Ceares, ¡PUXA CIARES!

Deporte Asturiano
Xixón Deporte
Programa Impulso 23

Ellaces d'interés
Enlaces de interés


Sercotel Partner

Contautu
Contacto


Acreditaciones

Por TLF: L-V 16:30 a 21:00
La Cruz: X de 17:00 a 20:30

Tienda: +34 636 517 376
Administración: +34 637 521 674

D. Deportivo Masculino: 646 862 239
D. Deportivo Femenino: 684 646 699
F. Base: 627 534 266
F. Sala: 626 803 590

Copyright ©2018 Unión Club Ceares

0
    0
    Carrito
    Tu carrito está vacíoVolver a la tienda