El nuestru técnicu Miguel Ángel Fernández “MIGUELÍN” (Xixón, 1975), dexa de ser l’entrenador del primer equipu del U.C. Ceares.

Nuna dolorosa decisión derivada de motivos personales, Miguelín dimite como entrenador del club. Ente tal contratiempu, la dirección deportiva ya ta trabayando pa atopar un sustitutu, aunque Miguelín va siguir nel cargu los prósimos díes más pa facer más llevadera tan difícil transición.
Miguelín foi l’apuesta de la pasada temporada pa entamar un nuevu proyectu tras la salida de Nacho Cabo. Siguiendo la filosofía del club, búscabase un entrenador mozu, con ganes, idees clares y que buscaba la so oportunidá de dar el saltu a categoría nacional. La elección nun pudo salir meyor, algamando un sestu puestu la temporada pasada y na actual temporada un arranque históricu que pel momentu dexa al equipu como cuartu clasificáu, nuna de les Terceres más difíciles que se recuerden.

Dende’l club agradecemos a Miguelín esty añu y mediu de trabayu y profesionalidá, siempre a disposición del club y además dexando unos rexistros históricos como técnicu.