Tres la salida de Tino del Corzo, Nacho Cabo dirixirá al Ciares la prósima temporada.

Nacho Cabo ye l’escoyíu pa ser el nuevu entrenador del Ciares. El xixonés torna a La Cruz, onde dirixió mientres dos temporaes a l’equipu (2012-2014), llegando a xugar el hestóricu playoff d’ascensu a 2ªB na postrera d’elles. De siguío tuvo nel Real Avilés B y nel Mosconia de Gráu, dambos en 3ª División.

En cuanto al cuerpu técnicu que va acompañar a Cabo, como segundu entrenador llega José Luis Egüen, técnicu xoven pero con esperiencia nel fútbol base. Como entrenador de porteros torna a La Cruz Javi González, que ya ocupara esi puestu na etapa anterior de Cabo. Completa el cuadru ténicu Jorge Gómez, na su quinta temporada dirixendo la preparación física de la primer plantiya ciarista.

¡Bienllegaos de nuevo a La Cruz!