Nin machismu n’intolerancia nel fútbol: ánimu Zaira

Redes de La Cruz

El casude de la xoven árbitra que ta sopesando retirase prematuramente por culpa del abusu verbal d’un espectador, ta teniendo gran difusión nos medios.

Zaira, antes d'un partíu
Zaira, antes d’un partíu

Un día Zaira decidió arbitrar, y dir deprendiendo pocu a pocu esi oficiu tan difícil, igual que pasa colos pequeños futbolistes o colos entrenadores más mozos. Pero, a algunos, anclaos na intolerancia, paez que-yos cuesta velo asina, y más al tratase d’una muyer: nun partíu reciente, Zaira tuvo que sentir algo que naide tendría que sentir, y munchu menos a esa pronta edá. Una decisión arbitral, provocó l’insultu machista y especialmente firiente d’un aficionáu (probablemente padre d’un de los neños que xugaba, pa facelo tovía más llamentable). Y nun yera la primera vez que-y pasara, pero sí la más grave y dolorosa. Nosotros, igual qu’ella, nun lo entendemos.

A través del nuestru progresivu averamientu al fútbol femenín, pudimos descubrir toles trabes, tolo que tienen que superar les muyeres nesti deporte, y por eso agora aplaudimos la valentía de Zaira y animámosla a que siga disfrutando del fútbol dende’l puestu d’árbitru.

Los que te conocemos como espectadora, viendo a los tos hermanos xugar con nos, sabemos que nun tas pidiendo pa ti nin un una plizca más de respety del que tienes polos demás, así que nos sumamos a l’avalancha de mensaxes de sofitu pa que nun arrenuncies a una pasión por culpa de los errores d’otros.

Dende’l U.C. Ceares queremos dexar claru’l nuesu rechazu a estos comportamientos y la nuesa firme posición a qu’estes actitudes nun tengan sitiu nel fútbol.

 

 

Deporte Asturiano
Xixón Deporte
Programa Impulso 23

Ellaces d'interés
Enlaces de interés


Contautu
Contacto


Por TLF: L-V 16:30 a 21:00
La Cruz: X de 17:00 a 20:30

Tienda: 636 517 376
Administración: 684 601 308

Copyright ©2018 Unión Club Ceares

0
    0
    Carrito
    Tu carrito está vacíoVolver a la tienda