Na temporada 2011-2012 metimos a 900 persones en La Cruz pa ver cómo salvábamos contra l’Uviéu B.

Namás dos años dempués l’oxetivu ye otru. Vamos metenos en play-off.

¿Y tu?, ¿piénses perdételo?.

Esti equipu merezse tar arropáu nel que puede ser unu de los díes más históricos d’esti club. Los xugadores sumaron 67 puntos en 34 partíos. La media inglesa. Tenemos un pie en fase d’ascensu. Mañana podríamos poner pie y mediu, o los dos. Celebración, allegría, nervios, pasión. Esta ye la particular Selmana Santa ciarista.

La empresa nun ye fácil. Non yá hai que ganar. Tamién hai qu’esperar. Tamos terceros. El nuesu rival del xueves ye’l Cuideiru, quintu. Siete punto dixébrennos. Namás queden 12 en xuegu. Si ganamos, non podríen superanos. Tiuya y Cuadonga podríen namás en casu de ganar. PUÉDESE.

Enfrente llega un equipu de caláu, el CD Cuideiru. Invictos nesta segunda vuelta, con 10 victories y 5 empates. Sicasí llama poderosamente l’atención que 4 d’esos 5 empates, llegaren nes postreres 5 xornaes. ¿Pero quién puede fiase?

Fichaxes d’enforma nivel pal nuevu proyectu del Cuideiru, qu’a pesar de les importantes baxes déxa-yos amosar una plantiya de nivel. Al estadiu de La Roja llegaron xugadores col caxé de Juanma, de Madeira, de Kily o de Gusy. Plantiya tarrecible.

Pero podemos ganar.

¿Y si ganamos?, ¿y si nun vienes?