Puntu d’inflexón

Covadonga - Ceares 2018

Va dos selmanes sufríase pa ganar al San Claudio. L’equipu uvieín llegaba a La Cruz como colista, con sólo dos goles a favor por diecisiete en contra, pa enfrentase al Ciares, sólo un puestu perriba, ensin victorias nel maletu.

La posible victoria esperábase como puntu d’inflexón. Sumar de 3 diba ayudar a dar ánimos y soltar tensión, la que dan los resultaos negativos. Sicasí, el partíu resultó duru. El San Claudio supo xugar y lo que necesitaba. Bien trabayaos, zarraron llínies de pase y llanzaben balones en llargo bien orientaos. Sólo un error en defensa al principiu de la segunda parte pa’l gol d’Omar, y un arranque de furia de Rafa Felgueroso nel descuentu, dexaron los puntos en casa. Tres de la euforia del segundu gol, les cares tresmitíen más aliviu qu’otra cosa.

Y ye que la trayectoria yera inesplicable esti añu. Quizás el partíu del Tuilla, totalmente controláu hasta que la xugada del penalti y espulsión cambió’l signu, o el segundu, frente al Praviano, con un partíu hasta’ l2-1 y balón al palu de Juan Menéndez y otru a partir del’ehí, marcaron muncho al equipu, llamáu a competir mui arriba.

Los empates a domiciliu frente a San Martín o Mosconia, servíen pa sumar, pero nun satisfacíen del too. Los nervios aumenten, les piernes atenácense… Inclusu los controles van más llargos o los pases nun atopen destinatariu. Les ocasiones nun lleguen, pasen los minutos y notes que se sume’l resultáu. .. Ye duro xugar así.

Esperábase una victoria como puntu d’inflexón, pero una victoria nel 94´ resulta entovía más gratificante. Cuando te ves abaxo y saques la cabeza, surdes con fuercia.

El calendariu ye durísimu. Tocaba dir a la Corredoria a enfrentase al Covadonga, equipu diseñáu pa xugar play-off. L’equipu facía una mui buena primer parte y diba al descansu adelantáu nel marcador. La segunda parte foi la combinación d’una defensa férrea con zarpazos al contrataque. El Cova quedaba ensin marcar en casa y los tres puntos dibalen pal casilleru Ciarista.

Agora ye’l Marino quien rinde visita a los teyeros, con una nómina de xugadores increíble.

Pero’l Ciares tá de vuelta.

Deporte Asturiano
Ayuntamientu de Xixón

Ellaces d'interés
Enlaces de interés


Contautu
Contacto


Por TLF: L-V 16:30 a 21:00
La Cruz: X de 19:30 a 21:30

Tienda: +34 636 517 376
Secretaría: +34 637 521 674
Prensa: +34 646 862 239
Sec. Técnica: +34 646 862 239
F. Femenino: +34 635 899 370
F. Base: +34 618 149 800
F. Sala: +34 627 534 266

Copyright ©2018 Unión Club Ceares