Resumen metá de temporada

Penalti a favor del Langreo en La Cruz

Depués de 23 xornaes disputaes, l’equipu asítiase na décima posición de la tabla, nel pelotón perseguidor de los 6 primeros, que caltienen una llucha dura pol play-off, cediendo mui pocos puntos.

Penalti a favor del Llangréu en La Cruz
Nacho intenta detener el penalty llanzáu por Pablo Acebal [Semeya de Futbolasturiano.es]

La sensación del Ciares ye de nun tener síu inferior a nengún de los equipos colos que s’enfrentó. Y paez ser un de los motivos principales la falta de gol del equipu, que xenera buen fútbol pero carez de remate.

Pese al titubeante aniciu, con dos derrotes, el Ciares supo recomponese y arrancó un empate de Ganzábal, con polémica arbitral, venció al TSK Roces, y en El Requexón sumaba un puntu valiosu frente al llíder de la categoría.
Sicasí, cuando meyor taben, recibíen al Tiuya en casa. Llastró la espulsión de Nacho, y sólo pudieron sumar un puntu pese al gran partíu. De tener sumao 3 hubieren subío casi a les posiciones de promociones d’ascensu.

Los partíos recientes como llocales frente a Llanes y Llangréu, con derrotes por 1-2 y por 0-1 respeutivamente, nun faen más que certificar la caída del equipu a metá de la tabla. Da especial llástima al ver que na primer vuelta se visitaren los campos más complicaos de la categoría, quitando el del Candín y el del Rabanal.

Presenta l’equipu munchas novedaes en cuanto a la plantiya. La pareya de delantreros cola que se presentaba camudó radicalmente. Jony marchó pa Canarias, y Javi Gutiérrez al Pravianu. Lleguen en so llugar Madeira y Juan Steven, xugadores con munchu caché en tercera qu’esperen resolver el problema col gol. El colombianu, anotó nel segundu partíu como teyeru, mientres que Madeira, más nueve, sigue asperando la so oportunidá.

Tamién son baxa Natan y el porteru Cano. L’estremu puso direición Noreña pa incorporase al Condal, mientres que’l cancerberu, que disputó un gran partíu en Miramar, busca minutos en preferente.

Queden munchos partíos per delantre, y la séptima plaza pa un oxetivu realista y realizable, afianzando al equipu pa la próxima temporada. Xugadores d’estrenu esta temporada como Josín, Juan Menéndez o Rafa Felgueroso tan dexando mui buen tastu ente l’afición, y paez que pueden sentar les bases d’un equipu fuerte al asaltu de los puestos altos l’añu que vien.

Deporte Asturiano
Ayuntamientu de Xixón

Ellaces d'interés
Enlaces de interés


Contautu
Contacto


Por TLF: L-V 16:30 a 21:00
La Cruz: X de 19:30 a 21:30

Tienda: +34 636 517 376
Administración: +34 637 521 674

Dir. Deportivo +34 646 862 239
F. Femenino: +34 635 899 370
F. Base: +34 627 534 266
F. Sala: +34 626 803 590

Copyright ©2018 Unión Club Ceares