Va unos díes acontecía nel nuesu barriu, nel parque Los Periconos, el Campeonatu d’España de Ciclocross. Ente la folla y l’agua proclamóse campeona la sierense Rocío Gamonal, llogrando facelo per sesta vegada.

Rocío ye una de les meyores deportistes asturianes (inclusive llegó a proclamase Campeona del Mundu), a pesar de lo cual nun ye bien conocida pol gran públicu por cuenta de que compite nun deporte minoritariu y con escasu siguimientu mediáticu. Amás, tres esta victoria a pocos metros de La Cruz, Rocío anunció la so próxima retirada del ciclismu d’alta competición, anque entá tien per delantre’l so últimu retu: el Campeonatu del Mundu de Ciclocross, na República Checa.

Por toos estos merecimientos, Rocío Gamonal va facer el saque d’honor el Domingu a les 12:30 antes d’empezar l’U.C. Ceares – C.D. Llanes.

Bien podríamos aplica-y el nuesu lema: postreros en dineru, primeros en corazón.