Temporada desaconseyada pa cardiaques. Resume del añu nel Xixón.

Siete goles-y endosaba’l Deportivo de la Coruña al Gijón Femenino na primer xornada de la temporada. Con eses credenciales presentábase un cursu futbolísticu que s’esperaba más tranquilu que l’anterior, yá ensin ser unes recién ascendíes, cuando se buscaba una consolidación na categoría.

Y ye que les de Luengo nun diben algamar la primeral victoria hasta la xornada 6, cuando vencíén na cancha del Vimenor, un equipu que deambuló pela categoría con munchos problemes, axuntando malpenes 11 xugadores p’afrontar cada xornada.

L’añu pasáu consiguiérense resultaos meyores con un xuegu más directu. A pesar de los intentos por ellaborar más la xugada a principios de temporada, quedó constatáu que los balones a la espalda de la defensa creaben más peligru a la defensa rival. Asina, la esperiencia invitaba al optimismu.

Pero nun foi fácil. Al contrariu, per momentos too facía pensar nel descensu. Mui difícil sumar puntos, partíos, a priori asequibles, qu’escapaben… L’equipu metíase abaxo y ye mui duro escapar d’una dinámica mala.

Les llesiones castigaben duramente al equipu, y nun permitíen que la lliga precisa. Faciendo cuentes nun salíalen los númberos, pese a que’l Vimenor y el Femiastur taben mui abaxo na tabla y copaben dos de les tres posiciones de descensu.

Vimenor - Gijón Femenino

La salvación fraguóse nel últimu tramu la temporada, sobre too convirtiendo los Campos de la Federación nun auténticu fortín. Primero, sumando un mui importante, y quiciabes mui poco valoráu, puntu frente al Sárdoma, equipu de la parte alta de la tabla.

La racha de victories entamó, una vegada más, frente al Vimenor. Abultáu resultáu frente a un rival que sólo se presentaba con 10 xugadores. Yera l’antesala al partíu de la temporada.
Pese a tolos partíos a domiciliu, parecía claro que la salvación pasaba per casa. Y con esa mentalidá se recibía al Llanera, antecesor na tabla clasificatoria. Una victoria aliviaba a les llocales, pero una derrota diba ser dramática y casi diba condenar a les teyeres al descensu.

La primer parte foi un entramáu de nervios. Balones a la espalda de la defensa que facíen munchu dañu. El Llanera adelantábase, y dispuso d’una ocasión clarísima pa facer el segundu y casi sentenciar el partíu y el cursu.

Sicasí, na segunda cambió’l panorama. Munches llegaes a llinia de fondu, y centros llaterales que facíen munchu dañu a la defensa. Les llocales yeren superiores y el Llanera diba metiéndose atrás.

Cuando paecía que l’empate diba ser el resultáu final, un balón al área, un barullu, y un balón que botó y botó, y tardó una eternidá en colase pela portería. L’empate yera insuficiente, pero la victoria daba una bocanada d’aire.

El derbi de Xixón presentábase como la piedra de toque. Les de Mareo apuntaben alto a principiu de temporada, pero nes últimes xornaes llegaben nuna dinámica preocupante que les llevó a la parte media-baxa de la tabla. Amás, perdiendo contra equipos de la zona baxa, complicando más entá la salvación al Gijón Femenino. La victoria pela mínima ponía la salvación en bandexa.

Pesllábase cola visita del Friol a los Campos de la Federación. L’equipu gallegu llegaba ensin nada en xuegu, pero yera un gran equipu que sin duda diba poner les coses difíciles. El 2-0 final salvaba matemáticamente a les teyeres, que lo celebraben sobre’l campu. Amás, servía pa una más que merecida despedida a Tifi, dempués de toa una carrera dedicada al so club.

Al final llográbase l’oxetivu, la salvación. Pese a too, da la sensación de tener sufríu más de la cuenta. Toca preparar una temporada nueva, qu’esperemos, seya más tranquila. Por salú.

Deporte Asturiano
Ayuntamientu de Xixón

Ellaces d'interés
Enlaces de interés


Contautu
Contacto


Por TLF: L-V 16:30 a 21:00
La Cruz: X de 19:30 a 21:30

Tienda: +34 636 517 376
Secretaría: +34 637 521 674
Prensa: +34 646 862 239
F. Femenino: +34 627 914 581
Dir. Deportivo: +34 618 149 800
Sec. Técnica: +34 646 862 239
Coord. Sala: +34 627 534 266
FAX: +34 985 348 426

Copyright ©2018 Unión Club Ceares

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies