Torna lo serio: resumen y horarios del fútbol base
Tres una navidá bien intensa na que los nuesos redrueyos participaron en dellos torneos, llega l’hora d’encarar los compromisos oficiales cola mesma ilusión pero anovaes enerxíes (y quien sabe si con dalgún empache de turrón pel mediu).
I Tornéu Navidá Profútbol
Estrenábamos con esta iniciativa y la verdá que yá tenemos ganes de repitir. El tornéu navidiegu ente los nuesos equipos de profútbol, representando a los trés colexos colos que collaboramos, foi una fiesta en tolos sentíos.
Na parte deportiva, destacar que l’U.C.Ceares Montevil, que venía d’una primera vuelta un pocu complicada, reforzáu con dellos xugadores del equipu del Xovellanos de nacíos en 2009, salió vencedor, daqué qu’esperamos -yos d’enforma ánimu pa encarar la nueva fase del tornéu na Lliga Bronce.
Tanto’l Xovellanos como’l Campoamor tuvieron a un gran nivel y dexaron que la emoción avera del ganador caltuviérase hasta’l postreru segundu, con ocasiones qu’a puntu tuvieron de romper un 0-0 que camudara la clasificación.
A la fin, victoria de toos yá que tantu neños como padres y personal del club pasamos una tarde de vienres prestándonos xuntos.
Nun queremos cerrar el resume del tornéu ensin estimar al personal del colexu Xovellanos pola so ayuda, y bien especialmente a los padres de xugadores del equipu qu’inclusive apurrieron bona parte de los premios que recibieron los neños, estes coses son les que nos dexen dicir con arguyu y ensin mieu a equivocar aquello de “postreros en dineru, primeros en corazón” que reza como lema del club.
Tornéu Alevín F8 Villa de Xixón
A pesar de que les resultancies nun acompañaron por goles nos últimos minutos, los nuesos alevines fixeron un gran tornéu, llantando cara a equipos de categoríes cimeres y calteniendo en fierros la clasificación nel so grupu al poner contra les cuerdes al líder nel postreru partíu mientres bona parte del alcuentru.
Bona actuación de los xugadores benxamines que complementaron la plantiya, que non solo nun notaron la diferencia d’edá, sinón qu’apurrieron enforma al equipu a lo llargo del tornéu.
Agora l’equipu alevín ta pensando yá nel so “derbi” de mañana ante’l Manuel Rubio.
Tornéu F8 Villaviciosa
Nel tornéu alevín de Villaviciosa, al qu’allegamos con un combináu de los nuesos dos benxamines d’últimu añu yá que van constituyir l’alevín B la próxima temporada, tamién hubo motivos pal optimismu.
Nel primer partíu contra la E.F. d’Oriente, los nuesos chavales arrincaron un meritoriu 0-0, pa darréu enfrentase a un Colunga que diba perdiendo 0-2 nos últimos minutos pero que supo refaese y llegar a empatar el partíu. Nel últimu alcuentru, una Llealtá que s’amosó superior venció con claridá por 4-0 nos últimos minutos cuando los nuesos guah.es yá nun podíen correr un metro más debíu a la gastadura de los anteriores partíos y a una primer parte onde tuvieron que realizar un gran esfuerzu pa contener al bon conxuntu maliayu.
Yá pensando no que tenemos per delantre, equí tán los horarios:
[eventlist start=”2014-01-10″ end=”2014-01-12″ limit=10]
Como siempres, ¡Puxa Ciares!