Un derbi de película

Documental del Indus

Unión Club Ceares y Gijón Industrial disputen un derbi cada día más enrraigonáu. Los dos equipos afronten el partíu más lloñe clasificatoriamente de lo esperáu, y cuenten con dar una alegría a los aficionaos.

Y eso que poco a poco’l derbi sírvese un poco más caliente. Lo qu’antaño fueren dos equipos de la ciudá siempre a la solombra del Sporting, va tomando forma como un alcuentru con piquilla, rivalidá, pero sobre too con deportividá, yá que dambos conxuntos entablen unas rellaciones escelentes.

Espérase una gran entrada en La Cruz, coles entraes, como ye tradición, a 5€ pa socios del conxuntu fabril. Amás, va servir como toma de contactu la proyección del documental que narra la historia del club fabril, que cumple esti añu’l so 50 aniversariu, que se va desarrollar nel CMI d’El Coto, güei vienres a les 19.30h.

No deportivu, importante reacción teyera esti últimu mes, con dos victories, empañaes con dos derrotes nos últimos minutos con rivales duros.

Jony daba la victoria con gol tempraneru nel siempre complicáu J.A. Rabanal. El Covadonga, equipu diseñáu pa competir na zona alta veíase sorprendíu por un Ciares que zarraba un buen partíu y llevaba los 3 puntos sumando la so segunda victoria consecutiva.

Recibíen entós al Marino, con una nómina de xugadores de segunda B. El partíu paecía igualáu, inclusu los contragolpes brickers de la segunda parte invitaben a pensar nuna posible victoria. Túvola Pablo Martínez, ún de los destacaos, pero nun yera a afuracar la portería. Un error aislláu al final daba la victoria al equipu mariñán.

Victoria solvente n’El Bayu, nun partíu marcáu pol agua. Dos goles buenos, ún de Pablo Martínez nos primeros 45 y otru de Wilmer na reanudación llevaben los puntos pa Los Pericones. El Siero llevó peligru nos últimos minutos, pero’l resultáu nun paeció peligrar.

Otra vegada los minutos finales condenaben al Ciares na so visita al Llanes. Otru equipu de la parte alta y otra vez que paecía que los de Nacho Cabo podíen rascar puntos, pero una gran xugada nes postremeríes del partíu condenaba a los coloraos.

Victoria – derrota – victoria – derrota. Toca victoria. Y toca l’Indus.

Deporte Asturiano
Ayuntamientu de Xixón

Ellaces d'interés
Enlaces de interés


Contautu
Contacto


Por TLF: L-V 16:30 a 21:00
La Cruz: X de 19:30 a 21:30

Tienda: +34 636 517 376
Secretaría: +34 637 521 674
Prensa: +34 646 862 239
F. Femenino: +34 627 914 581
Dir. Deportivo: +34 618 149 800
Sec. Técnica: +34 646 862 239
Coord. Sala: +34 627 534 266
FAX: +34 985 348 426

Copyright ©2018 Unión Club Ceares

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies