Una escuela pa la igualdá ya’l respetu. Carta abierte al Comité Ciudadanu AntiSIDA d’Asturies.

Logo Comité Ciudadano AntiSIDA de Asturias

Queries compañeres del Comité Ciudadano AntiSIDA,

Paez que se confirma por fin el desarrollu del campu pa la Escuela Mista de Fútbol, compuesta pol Gijón Fútbol Femenino y el UC Ceares. Un proyeutu onde la educación non sexista nel ámbito del balón y en xeneral la de les neñes y neños ye exe fundamental. Asperamos qu’esta escuela sirva pa avanzar nuna sociedá más igualitaria y más xusta, onde’l xéneru nun seya una torga pa disfrutar del deporte que cada una escueya. Pa poder xugar y compartir con plena normalidá la so infancia y la so adolescencia coles mesmes posibilidaes y los mesmos recursos, tamién nel fútbol.

Un proyeutu pioneru nel estáu, n’onde otros clubes y ciudaes a cientos de kilómetros tienen puestos los güeyos. Onde les primeres esperiencies inspiraes pol mesmu yá tan en funcionamientu.

Nun podemos más qu’agradecevos al Comité Ciudadano AntiSIDA la vuestra tolerancia, la vuestra visión y la vuestra disposición pa collaborar activamente en qu’esti proyeutu salga alantre.

Somos conscientes de que’l comité peleó muncho por visibilizar y poner nomes y apellíos a lo qu’una sociedá intransixente quería meter nun caxón cola receta del mieu y la segregación.

Ficístisnos comprender qu’esto nos atañe a toes y toos y que la educación, la información y el respetu ye la única vía posible pa percorrer un camín nel cual nun se puede baxar la guardia.

El ciñu, la comprensión, l’asesoramientu y la pelea por visibilizar la llucha cotidiana sigue tando güei más patente que nunca. Dende’l UC Ceares y el Gijón Fútbol Femenino nun queremos qu’esti proyeutu pueda perxudicar de nenguna manera esi llabor, polo que pidimos xusto lo contrario, que sume, que sirva pa visibilizar más entovía la viesca de la memoria, el monumentu en recuerdu y la llucha de toa esa xente de la nuestra familia, la nuestra cai, del barriu, del barriu d’al llau, de la nuestra ciudá, d’Asturies y en definitiva de la humanidá.

Ye testimoniu de quien sufrió y sufre. Por ello tien de tar nun llugar importante y tien d’efeutuase una actuación al altor de les circunstancies. Tien de xenerase un beneficiu collateral, non un dañu.

El Comité Ciudadano AntiSIDA somos toes y toos. Por ello, como yá manifestamos con anterioridá, dende equí como persones y como entidaes ponémonos a la vuestra disposición pa cualesquier actividá tanto educativa, lúdica o participativa pa la que nos requiráis. Tamién tomamos la iniciativa nesti sen pa ser nos les que les propongamos.

Non sólo por solidaridá. Tamién por xusticia social con toles compañeres y compañeros que sufrieron el vacíu y la soledá. Ensin duda, na memoria coleutiva ta’l principiu de la igualdá y la solidaridá.

Deporte Asturiano
Ayuntamientu de Xixón

Ellaces d'interés
Enlaces de interés


Contautu
Contacto


Por TLF: L-V 16:30 a 21:00
La Cruz: X de 19:30 a 21:30

Tienda: +34 636 517 376
Administración: +34 637 521 674

D. Deportivo Masculino: 646 862 239
D. Deportivo Femenino: 684 646 699
F. Base: 627 534 266
F. Sala: 626 803 590

Copyright ©2018 Unión Club Ceares