[Urraca 1-3 Ciares] El Ciares arrasa en Posada
Partíu redondu’l disputado esta tarde en Posada (Llanes). Y eso qu’entamaba de la peor de les maneres, con un gol a los 2 minutos, nun remate de cabeza al que poco podía facer Davo.
La baxa de Marcos compensábala Tino volviendo al 4-3-3. Hugo sería el stopper per delantre de la defensa, con un Pablo Martínez y Dani Peléz, estelar güei, per delantre. En punta, Cayarga pela izquierda, Cris pela derecha, y Javi d’ariete.
Urraca 1 – 3 Ciares
Urraca: Pablo, Rony, Chapi (Jordán 71′), Íñigo, Jaime, Suero, San Eloy, Borja Argüelles (Bertín 46′), Langarica, Vicente (Gerardo 80′), Damián
Ciares: Davo, Fonso, Aitor, Beni, Chery, Hugo (Juan Carlos 67′), Dani Peláez, Pablo Martínez, Cris (Natan 78′), Cayarga (Iván Suárez 87′), Javi Gutiérrez
Goles:
1-0: Damián 2′
1-1: Dani Peláez 15′
1-2: Dani Peláez 32′
1-3: Cayarga 44′
Árbitru: Díaz Fonseca. Amonestó a Jaime, Íñigo y San Eloy pol Urraca, y a Dani Peláz pol Ciares.
Incidencies: Unos 200 espectadores, con abonda presencia de seguidores visitantes. Terrenu de xuego artificial.
Pol Urraca, paez que siempre tengan más plantiya que resultaos. De fecho, la temporada pasada la salvación llegaría pol ascensu del Caudal. Pa los nostálxicos, dos nomes. Per un llau San Eloy, que fizo un gran trabauo nel mediucampu el primer añu de Nacho Cabo nel Ciares. Col 7, Borja Argüelles, un de los xugadores más queríos pola grada na etapa del Ciares de los récords.
Dende’l minuto 15, el Ciares convirtióse en dueñu y señor del partíu. L’Urraca vióse impotente ente’l xuegu teyeru. De fecho, dende’l minutu 2 nun se recuerda ocasión de gol llocal. Los pocos averamientos yeren mui bien solucionaos pola defensa y por Davo, escepcional güei nel xuegu aéreu.
El fecho que cambió’l partíu foi’l primer gol. Dani Peláez recibía un córner na esquina del área y llanzaba un llatigazu secu a la base del palu. Primer gol en lliga pa’l finu mediucentru.
Poco dempués, casi calcaml gol, pero de llanzamiento directu de falta. Escorada, paecía que diba poner el centru pero sorprendía llanzando a puerta. Resolvía’l porteru.
Y de repente, seguramente un de los meyores goles nos 70 años d’historia del club. De nuevu Dani. Ve adelantáu al porteru y llanza un gran disparu dende’l mediu campu que se cuela ente la sorpresa xeneral.
El restu de la primer parte, siguió’l repasu visitante. A puntu tuvo Dani Peláez de cerrar un hat trick nun saque de banda que peina Beni y de primeres remata a bocaxarru, pero l’alcontraba’l porteru.
Un Javi Gutiérrez que cada vez marca más les diferencies, facía una gran xugada pela banda derecha, con pase atrás que Cayarga remata abaxu.
El terceru, de penalti. Pon Dani Peláez el córner, el balón va pasáu y lu paña Cayarga. Recorte dientro l’área que come’l defensa y penalti. Con muncha tranquilidá tresformábalu’l propiu Jorge.
La segunda parte paecía decantada dende mui tempranu. Nin el propiu Urraca paecía creer na remontada, y nun llegó a crear ocasiones de gol. Sólo inquietó, o trató de facelo, con centros llaterales, bien resueltos por Davo.
Les oportunidaes más clares fueron visitantes, y yá toes nel tramu final. Les dos primeres pa Javi Gutiérrez, que sabe buscase la vida en punta.
Saca petróleu na primera d’un balón en llargu. Plántase ente’l porteru y dispara cola zurda al palu curtiu, pero acababa en córner.
Gran xugada tamién la segunda. Esta vez pela banda derecha, intérnase nel área, y dispara de nuevu al palu curtiu, pero’l balón estréllase de forma violenta nel poste.
La tercera y última foi pa Juan Carlos, que remataba de tiesta en boca de gol un córner pero marchaba raspiando’l palu.
Entónase’l Ceares y pon la directa. Segunda victoria consecutiva, xusto cuando más se necesitaben. Avérense a la metá de la tabla y dexen en posición comprometida al Urraca. Agora toca’l Colunga, toca caltener la racha y caltener la llínia. A pola tercer victoria.
