[Uviéu B 3-0 Ciares] Tropiezu n’ El Requexón
Tres goles a lo caberu del partido terminen coles ilusiones d’un Ciares que caltuvo a raya al filial Uvieista durante 70 minutos.
Atopaba’l Ciares a Uviéu buscando quemar la cabera bala de cara a clasificase pal play-off. Una victoria escontra l’Uviéu metianos na grieca. Ensin embargu, asoleyo cruz, y agora matemáticamente tamos fora. Queda por dellantre afitar la clasificación pa la que de xuru va ser una de les meyores copa federación que se recuerden, con equipos como Sporting B, Aviles, Marino, Caudal, Llangréu y Tuiya, entre otros.
Uviéu B 3 – 0 Ciares
Uviéu B: Marcos, Sinchi (Ibarra 32′), Josín, Colo, Óscar, Adrián Llano, Héctor (Rivera 74′), Iván Fernández, Allyson, Lucas (Capelete 64′), David
Ciares: Davo, Fonso, Lozano, Beni, Berto (Ponte 70′), Aitor Cañedo, Juan Carlos, Bryan (Piñera 80′), Jimmy, Chery (Jorge 58′), Polo
Goles:
1-0: Héctor 70′
2-0: David 80′
3-0: Capelete 82′
Árbitru: Peláez Fernández, del Colexu del Nalón. Amonestó a Capelete pol Uviéu B y a Lozano por los visitantes.
Incidencias: Dalgo más de 100 espeutadores n’El Requexón, aproximadamente la mitá d’ellos seguidores del equipu Xixones. Terrenu de xuegu en perfeutu estáu.
Entraba meyor l’Uviéu nel partido. Avisaba Allyson nada más entamar, pero Davo daba seguridá baxo palos. El balón yera de los carbayones, poro ensin profundidá, buscaben entrar peles bandes anque nun llograben facer dañu a los Brickers.
La ocasión más nidia llegaba a los 20 minutos, nun mano a mano solventáu perfeutamente por Davo, que atayaba per baxo’l balón. Yeren los meyores momentos de los llocales.
La mancadura de Sinchi, llateral drechu llocal, tracamundiaba los planes. Y yera un extremu quien cubria la posición, provocando munchos desdobles y munches llegaes pela banda, y yeren Berto y Chery quien más lo sufrien, multiplicandose en defensa.
Na primer llegada del Ciares reclamose penalti, ganando Polo la posición cuando entraba nel área pela banda manzorga. Un Polo al que-y toco trabayar munchu, buscando balones en llargu y entamando la presión. L’únicu tiru a puerta fixolu Xuan Carlos al saque d’un córner con un testarazu que marcho altu.
Tres el descansu llegó la xugada que pudo camudar el partido. Polo plantose nun mano a mano tres un pase en profundidá de Xuan Carlos, el so tiru desvialu Marcos cuando los aficionados Ciaristas cantaben el gol. La réplica poniala Allyson con un testarazu que raspiaba la escuadra. Poniase seriu’l partido.
Cuando faltaben 20 minutos, nuevu toque cola tiesta de Allyson y Héctor solu tien que emburriala. Dubies na cellebración pola posición del xugador poro l’árbitru diolo por validu. Con sólu 20 minutos per dellantre, tocaba dalu too. Entraba Ponte al prau por Berto mandando a Aitor al llateral solu quedaba empatar, poro dos contres, dos chiscazos en dos minutos, tarazaben el partido y daben al traste cola ilusión. Na primer contra perguapu recorte de David y tiru axustáu. Na segunda, gol tres un rechace nel poste. Durisimu castigu, agora toca llevantase y defender el sestu puesto, y si se puede dir a por el quintu.Tamién toca afitar la copa federación. anque lo prósimu ye’l derbi.
