Un hestóricu del fútbol base llocal

Marcando el camín de munches xeneraciones

El conxuntu xixonés fundose en 1960 como Atlético Venecia pero sería un 4 de xineru de 1963 cuando pasaría a llamase Veriña C.F.

El Veriña C.F. espoxigó dende 1960 hasta convertise en un de los clubes de fútbol base nomaos na ciudá, llevando incluso el nome d’ENSIDESA, siderurgia sita en na parroquia de Veriña.

El so terrén de xuegu hasta la temporada 11-12 incluyida foi’l campu San Martín, ónde disponía d’ún campu d’herba, ún d’arena y una pista de fútbol sala. Depués xugó tres temporaes nos campos de la Federación de Roces y dende la 2015-2016 comparte campo llocal col Lloreda.

A los 12 años de fundase fizo’l so debut en competición nacional. Concretamente na Copa España Xuvenil de la temporada 72-32. L’equipu xixonés cayó na ronda de dieciseisavos frente al Racing de Santander tres de vencer 1-0 en casa y perder 3-0 en tierra cántabra.

Dos años depués , na 74-75, repitió participación. Diba ser el meyor resultáu de la so historia na Copa y, al tiempu, la so última presencia. En dieciseisavos eliminaron al Pontevedra remontando con un 2-0, el 1-0 de la ida. Nos octavos de final el verdugu foi l’Athletic de Bilbao que venció 2-3 en San Martín y 2-0 en Lezama.

D’aquella nun esistía entovía la Lliga Nacional Xuvenil, que se diba crear en 1976. El Veriña debutó en Lliga Nacional na segunda edición.

Xugó 3 temporaes concluyendo col descensu en 1980.

En 1986 creábase la Superlliga Xuvenil con un solu grupu compuesto polos equipos xuveniles de los equipos más importantes, polo que la Lliga Nacional baxaba un escalafón.

En 1987, por tanto, el Veriña regresaba a Lliga Nacional, consiguiendo los meyores resultaos de la so historia.

Destaca ensin dubia la campaña 88-90 cuando foi campeón de grupu y disputó la fase d’ascensu a la Superlliga Xuvenil. Nesa lliguina’l Veriña foi 3º con 1 triunfu, 3 empates y 2 derrotes y tuvo como rivales a la Damm, la Real Sociedad y el Burladés.

En 1990 el sistema de competición cambiaba otra vegada. La Superlliga Xuvenil pasaba a llamase Lliga Sub-19 y la Lliga Nacional baxaba un escalón más que sería ocupáu pola nueva División d’Honor. El Veriña gracies a tener sio 3º en lliga pasó a competir en División d’Honor.

Foi otra época de cambios. Los 3 primeros años había un grupu de 8 equipos, nel que los 4 primeros lluchaben pol ascensu n’otru grupu de 8 y los 4 últimos lluchaben pol descensu n’otri grupu de 8. El primer añu’l Veriña foi colista en dambos grupos y descendió a Lliga Nacional. El segundu añu quedó al borde de volver a División d’Honor y el terceru de descender a Primera Xuvenil. En 1993 la Lliga Nacional pasab a ser una lliga d’una sola fase.

En 1995 desapaecía la Lliga Sub-19 y la División d’Honor pasaba a ser la máxima categoría mientres que la Lliga Nacional recuperaba’l status perdíu 5 años enantes.

El Veriña escomencipiaba en Lliga Nacional, consiguiendo l’ascensu a la Primera. En total disputó 6 campañes na División d’Honor d’anguaño siendo la so meyor clasificación el 8º puestu de la 12-13.

Esta temporada compite en Lliga Nacional por segunda temporada consecutiva.

Cabe destacar qu’hasta la temporada 06-07 el grupu de Lliga Nacional taba compuestu por equipos asturianos y cántabros.

Pel Veriña pasaron grandes xugadores, dellos llegaron a xugar hasta en Primer y Segunda División: Juanele, Oli, Avelino, Joaquín Villa, Esteban, Miguel Ángel, Balbino…

Tamién munchos que xueguen o xugaron recientemente en Segunda B como Pablo Suárez, Titi, Miguélez, Agus Porto, Adrián Llano, Carli, Berto Toyos, Iker Alegre o Dani Barrio ente otros.

Dende 2005 el club ta presidíu por Gonzalo Llano Losada, ex-futbolista del club, directivu que más años tien presidío’l club.

Na temporada 19-20 el club pasa a ser filial del Unión Club Ceares de 3ª división ya intégrase na Escuela Mista de la que tamién forma parte’l Gijón Fútbol femenino, col oxetivu pricipal de potenciar al equipu xuvenil y devolvelu a lo más alto.

Yá pasaron munchos años dende la so fundación , munchos xugadores, munchos entrenadores, munchos cambeos de categoría, momentos buenos y malos… pero el Veriña va siguir siendo un referente nel fútbol base asturianu.

El Torneo de Barrios

El Veriña tamién dexo seña dende’l primer momentu nel Tornéu de Barrios de Xixón.

Ye un de los clubes más llaureaos con 9 títulos.

Fue campeón nel 74 y 76 frente al Inmaculada, nel 77 venció al Gijón Industrial, nel 78 al Estudiantes, nel 79 otra vegada al Inmaculada, nel 88 al Sporting, nel 89 al Sporting Promesas, en 2003 al Sporting B ya en 2005 al Arenal.

Amás apostó otres 7 finales nes que salió derrotáu. Nel 67 y 68 cayó a manos del Portuarios, nel 71 frente al Gijón Industrial, en 1994 escontra La Braña, nel 96 y 2000 frente al Sporting y nel 2014 escontra el Roces.

Deporte Asturiano
Ayuntamientu de Xixón

Ellaces d'interés
Enlaces de interés


Contautu
Contacto


Por TLF: L-V 16:30 a 21:00
La Cruz: X de 19:30 a 21:30

Tienda: +34 636 517 376
Administración: +34 637 521 674

D. Deportivo Masculino: 646 862 239
D. Deportivo Femenino: 684 646 699
F. Base: 627 534 266
F. Sala: 626 803 590

Copyright ©2018 Unión Club Ceares