Escudo del Gijón Fútbol Femenino

Gijón Fútbol Femenino

Escudo del Gijón Fútbol Femenino
Escudu del Xixón Fútbol Femenín

El Xixón Fútbol Femenín naz nel branu del añu 2000, cuando un grupu de 16 xugadores deciden formar el so propiu equipu, como consecuencia de la falta de valoración que’l fútbol femenín recibía nos sos respectivos clubes.

Tres d’un esfuerzu descomanáu per parte de les xugadores, y de quienes a la postre diben formar la directiva, consíguese lo necesariu pa inscribir al equipu nuevu na competición. Dada la so condición d’equipu de reciente creación, l’equipu entama’l so camín na Lliga Rexonal asturiana col oxetivu de lluchar pol ascensu a la Lliga Nacional.

Nesa primer temporada 2000/2001, l’equipu xixonés non sólo algama’l títulu de campeón d’Asturies, sinon que lo fae con una autoridá abrumadora, venciendo tolos alcuentros disputaos, con un bagaxe de más de 100 goles a favor , y tan sólo 12 en contra, proclamándose campeón a falta de varies xornaes pa finalizar la lliga.

Na campaña del 2001/2002, el club llánzase a una aventura nueva, la creación d’un equipu filial, con tolo qu’esto supón a nivel de tiempu, dineru y dedicación. A esto, súmase’l pasar a disputar col primer equipu la Lliga Nacional. Tou un saltu de cantidá y calidá. Equí entama a forxase un proyectu ambiciosu pa’l desendolcu del fútbol base femenín.

Nesta campaña, onde l’equipu tien que se adaptar a un nivel muncho mayor , consíguese’l subcampeonatu de lliga, realizando un final de temporada escepcional, convirtiéndose nun referente na competición nel añu del so debut na Lliga Nacional. Pela so parte, el recién creau equipu filial, llogra un meritoriu décimu puestu nel primer añu de delles de les xugadores nuna lliga de fútbol.

La temporada 2002/2003, supón el saltu de calidá definitivu de los dos equipos, llogrando’l “B” la cuarta plaza nel campeonatu asturianu, mientres que’l primer equipu llograba’l títulu de la Lliga Nacional, lo que-y daba la opción de lluchar pol ascensu a la máxima categoría del fútbol femenín n’España, División d’Honor . El sortéu quiso que los enfrentamientos fueran col F.C. Barcelona y l’equipu navarru Lagunak.

L’equipu, acusó nesi momentu la falta d’esperiencia y nun algamó l’ascensu.

Durante la pretemporada 2003/2004, l’equipu foi invitáu pol campeón de División de Honor , l’Athletic de Bilbao, a xugar un partíu amistosu, tou un arguyu dada la entidá deportiva que solicitara al nuestru equipu pa dichu acontecimientu, diputándose’l partíu ente más de 2.000 persones.

Nesti añu l’equipu proclámase otra vegada campeón de Lliga demostrando ser superior a los rivales, al algamar el títulu a falta de cuatro xornaes pa’l final de la lliga. Teniendo l’equipu de nuevu la oportunidá de xugar la Fase d’Ascensu a Superlliga. En dicha fase enfréntase al Andalucía y Oiartzun, quedándo un añu más a les puertes d’algamalo pese al buen papel realizáu nos dos partíos.

Na temporada 2004/2005 l’equipu caltuvo’l lliderazu dende la primer xornada del campeonatu, consiguiendo otra vegada ser campeones del Grupu II de la Lliga Nacional. Dempués de ser empareyaes pa la Fase d’Ascensu col Corderex de Mérida y col L´Estartit de Girona, algámase l’ascensu a la máxima categoría del fútbol femenín n’España, tres de vencer a los dos rivales.

Na recién terminada temporada 2005/2006, enfrentámonos al mayor retu de la nuestra “pequeña” historia, ya que tando no más alto del Fútbol Femenín, La Superlliga, clubs como el F .C. Barcelona, Atlhetic de Bilbao, R.C.D. Espanyol, Levante…..seríen los nuestros rivales, poderosos tanto económica como deportivamente. L’equipu volcóse en cada partíu por intentar caltener la categoría, fechu que nun foi posible y el descensu fue inevitable, pese a ello foi un añu enllenu d’esperiencies inolvidables y ensin dulda alguna, d’unión d’equipu.

Sicasí, dende esi momentu tómase conciencia del potencial que tien el club y paulatinamente van incorporándose a la estructura equipos nuevos, como ye’l casu del alevín, que sigue compitiendo anguaño y ye l’únicu equipu femenín de Xixón na categoría.

Na Temporada 2015-16 crúzase’l nuestru camín col del Unión Club Ciares, y les nuestres conversaciones acerca de xunir esfuerzos vense reflexaos na creación de la Escuela Mista de Fútbol. La EMF naz col envís de crear un fútbol base pa to@s. Un fútbol nel que toes temos a gustu, collaboremos y sintamos nuestru, fomentando amás de técnica deportiva, pasión por un deporte y unos valores dignos pa estes categoríes que van ser el futuru d’ambos clubes.

Deporte Asturiano
Ayuntamientu de Xixón

Ellaces d'interés
Enlaces de interés


Contautu
Contacto


Por TLF: L-V 16:30 a 21:00
La Cruz: X de 19:30 a 21:30

Tienda: +34 636 517 376
Secretaría: +34 637 521 674
Prensa: +34 646 862 239
F. Femenino: +34 627 914 581
Dir. Deportivo: +34 618 149 800
Sec. Técnica: +34 646 862 239
Coord. Sala: +34 627 534 266
FAX: +34 985 348 426

Copyright ©2018 Unión Club Ceares

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies