[Ciares 2-1 Mosconia] El Ciares voló más altu
El Mosconia pelea pero ve como-y escapen los puntos frente a un Ciares que xugó munchos minutos con ún más.
Paez qu’esti añu l’entretenimientu principal en Tercera División vien pela zona baxa. Hasta 6 equipos peleen por escapar de los 3 puestos últimos, y sólo 3 puntos separen al Mosconia (20º) del Urraca (15º). El rival del Ciares d’ayeri, el Mosconia de Grau, llegaba como colista, sumíu nuna mala dinámica. Sin embargu, una victoria daba-yos aire.
Ciares 2 – 1 Mosconia
Ckares: Nacho; Miguel Obaya, Aitor Cañedo, Fonso, Chery (Natan 65′), Iván Suárez (Hugo 90′), Pablo Martínez, Dani Peláez, Marcos Iglesias, Jorge Cayarga y Cris (Hugo García 82′)
Mosconia: Dani Rivas; Juan Carús, Jony, Adrián, Camboya, Cali (Blin 82′), Rubén Valdés (Martín 46′), Robert, Isra, Aitor y Josín
Goles:
0-1: Josín 44′
1-1: Cris 64′
2-1: Marcos Iglesias 82′
Árbitru: Ballesteros de la Rubia, asistíu por Novoa Cancelas y Abella Navarro. Delegación d’Uviéu. Amonestó a los llocales Marcos Iglesias y Dani Peláez, y a los visitantes Juan Carús, Adrián, Cali y Jony. Espulsó al visitante Robert por doble amonestación, 20′ y 25′.
Incidencies: La Cruz. 300 espectadores. Terrenu de xuegu en buen estáu.
El Ciares pela so parte, cola Copa Federación zarrada pal añu qu’entra per cuarta temporada consecutiva, llegaba sin xugase apenes nada, pero tamién dexando mala imaxe bos dos últimos alcuentros de lliga, y necesitaos d’ameyorala.
Empezó’l partíu raru, ensin facese naide col control. El balón yera ciarista, pero yera’l Mosconia quien-y lu cedía. Sicasí, esi dominiu nun se transformaba en peligru.
La primer ocasión, un balón en llargu y la segunda xugada dispara dende mui lloñe Josín. Paecía que diba fuera pero al final baxa’l balón y pega nel llargueru.
A partir d’ehí, dominiu total ciarista, colos moscones mui replegaos. El Ciares, con facilidá p’atopar a Pablo Martínez na media punta, pero nel últimu terciu del prau ensin capacidá de precisar y facer gol.
Xugada polémica na metá del primer tiempu, combinación ente Pablo y Marcos na frontal del área, recibe Marcos nel puntu de penalti y dempués del control acaba en suelu. Sáca-y mariella l’árbitru por finxir.
Pela parte d’ellos, los visitantes seguíen mui replegaos y saliendo a la contra. Nuna d’elles, nun tres pa dos, plántase solu delantre de Nacho l’estremu visitante Ruben Valdés, pero’l tiru cruciáu sácalu bien el guardameta llocal col pie.
Una contra esta vegada pa’l Ciares. Cris xuega con Marcos que quedaba solu delantre’l porteru. Tócala’l defensa visitante cola mano y corta’l pase. Segunda mariella y colorada. Munchu tiempu per delantre colos visitantes n’inferioridá.
Na última xugada del primer tiempu, una falta llateral. Nacho intenta garrala y se-y escapa pente les piernes y gol. Adelantábense los visitantes.
Nel segundu tiempo seguía’l partíu igual, el Mosconia con defensa de 5 y al Ciares costába-y alcontrar espacios. L’empate foi un pase dende’l mediu’l campu de Peláez a la espalda de los defensas que Cris controla y define cola zurda.
Nesi momentu viniéronse abaxu los de Grau y nun salíen del so prau. La mala noticia foi la mancadura de Chery, sustituyíu por Natan. L’estremu xixonés volvía al llateral, pero nesti casu al zurdu.
El segundu gol ye un mal saque de puerta. Recibe Cayarga y con un pase dexa a Marcos solu delantre’l porteru y nun perdona.
A partir d’ehí, el Mosconia a la desesperada intentando llegar, pero ensin crear peligru. El Ciares pela so parte atopóse con dos contres clares d’ún pa ún. La primera d’Huguín. El canteranu ciarista intentó regatear al porteru pero se-y fue’l balón. Tamién la tuvo Cayarga, pero nun pudo definir.
Situación delicada pa’l Mosconia, necesitáu de puntos. El Ciares viaxa’l domingu que vien a Ganzábal, nun de los partíos siempre señalaos pola afición teyera. El Llangréu, terceru na tabla, paez que va disputar play-off. Pero falta ver dende qué puestu. Pa nun lo perder.