El Ciares, a pescar en Cuideiru

Duru partíu espéra-y esta xornada al Ceares, visitando “La Roja” pa midise al Cuideiru. Va ser un alcuentru ente dos de los equipos más en forma del campeonatu. Los locales, vienen de sumar 3 victories consecutives, ente que los teyeros salieron vencedores nos postreros 4 partíos.

El Cuideiru tuvo un entamu dubiosu. Un equipu bien amestáu a la so población, que ta somorguiada nun interminable procesu xudicial, con dellos imputaos y acusaos nel Conceyu local. L’equipu paez habese abstraído d’esos problemes, y encara la parte dura de la temporada nun importante picu de forma.

Pocu xugadores queden de los que l’añu pasáu llograren clasificase pa Copa Federación. Hasta 13 baxes tuvieron pa esta temporada, que llograron supliles con fichaxes oldeaos. Xugadores de la talla de Saka, exóticu llateral derechu proveniente del Caudal, Juanma, tamién proveniente de la segunda B, los ex universitarios Álex García y Beni, l’ex Uviéu Madeira, y xuníu a xugadores con esperiencia en tercera como Borja Do Santos, Enol o Gusi, perfilen una gran plantiya.

Non cabo afitase na clasificación. A principiu de temporada l’equipu paecía sonce, llegando a encaxar 3 derrotes como locales. Pero’l Cuideiru coyó ritmu. A ver quién lu para. ¿Va poder el Ciares?