El Xixón pieslla la pretemporada ya prepárase pal so debut lligueru en La Cruz

L’oxetivu principal d’esta temporada ta centráu en disfrutar un añu más de la categoría y amás facer partícipes d’ello a los aficionaos y aficionaes que visiten La Cruz, sede de los alcuentros que celebremos como llocales.

La pretemporada del equipu comenzó allá pel día 1 d’agostu, con una planificación basada nuna carga de 4 díea selmanales. Debío a incorporaciones tardíes d’algunes xugadores de la primer plantiya por diferentes asuntos: de tipu llaboral, personales y altes tres de lesiones de llarga duración, fizo que fuera una pretemporada con algunos altibaxos, lo que per otra parte y siendo un club qu’apuesta pola cantera, permitió que hasta 7 xugadores del filial tengan participao durante la pretemporada col primer equipu y qu’anguaño 3 d’elles tean entrenando de forma continuada nésti, comenzando la temporada en 2ª División.

Algunos de los amistosos celebraos a lo llargo de la pretemporada fueron con rivales importantes y contra los que se va competir na Lliga como son el R. Oviedo Femenino, el Real Sporting de Gijón, pero tamién equipos de la lliga rexonal como’l Gigia Fem, el C. D. Covadonga (equipu de creación recién) o el R. Oviedo Femenino “B” con resultaos dispares, pero siempre col oxetivu centráu na meyora del equipu tanto a nivel físicu mediante l’acumulación de minutos, como a nivel tácticu na corrección d’aspectos relacionaos col xuegu del equipu y al tiempu, faciendo pruebes que permitieren “dar cola tecla”.
A medida que l’equipu vaiga algamando’l tonu físicu esperáu, l’oxetivu va ser siguir incidiendo nel modelu de xuegu que permita conseguir los oxetivos indicaos al entamu, disfrutar y facer disfrutar.

Toles xugadores, dende la primera hasta la última… s’esforzaron, dando lo máximo en cada momentu, trabayando con ilusión y ganes por facer una buena temporada, deseando amás que llegue yá’l primer partíu de Lliga que va ser en casa y na nueva ubicación, La Cruz, onde esperamos enganchar a l’ afición cola máxima entrega depués de les bones sensaciones del partíu de presentación celebráu ellí el pasáu día 31 d’agostu frente al Pauldarrak vascu que finalizó con victoria por 4 a 0.

El día 9 de setiembre arrancamos en casa a les 16.30 h. frente al Valladares gallegu, esperámosvos a toes en La Cruz