Entama’l proyectu senior ente el Veriña CF ya l’UC Ceares
L’equipu, dirixíu a xugadores sub-23, va tar xestionáu en conxuntu por dambos clubes y va xugar en Lloreda colos colores del Veriña CF.
Tal y como acontecío col fútbol femenín, l’UC Ceares sigue puxando por trabayar en comuña con otres entidaes buscando el provechu común.
Esti nuevu equipu tien como razones de ser facer de pasu na escalera al fútbol nacional pa dellos rapazos que necesiten más tiempu pa madurar. Amás va ser la cantera del primer equipu del Ciares pudiendo Nacho Cabo llamar a cualesquier xugador pa disputar minutos cola primera plantiya.
Dende esti momentu dambos clubes tan centraos na composición del cuerpu técnicu y plantiya, que ya cuenta con xugadores que finaron esti añu la so etapa xuvenil.
Cualesquier persona interesada en participar del proyectu puede dirixise al teléfonu 618 149 800