Folixa ciarista de Nuechevieya
Fiesta de nuechevieya pa despidir l’añu: bona música, sorteos y ambiente ciarista.
Termina 2016, l’añu del nuesu 70 aniversariu, y llega un 2017 que se plantega de lo más interesante. Pa despidir un añu y dar la bienvenida al otru, vamos facer lo que meyor se nos da: xuntanos todes y pasalo bien. Por eso t’esperamos en La Folixa dende les 00:30 pa brindar pel añu nuevu, n’ambiente ciarista y colos meyores vinilos de la mano de cuatro conocíos aficionaos teyeros:
- Songsputter Kid, aka El Presi, dende El Llanu y col so habitual miscelánea musical.
- Toni Rocker, dende La Felguera (y del UPL, Support Your Local Team), trayéndonos los sos ritmos 50s, soul o r&b
- Toni Gancedo, dende’l mesmu Ciares, ufiertándonos soníos de la so selecta colección de northern soul, ska, garaxe o freakbeat.
- Gonza Skontra, dende El Llanu, debutando en casa a ritmu de punk, ska y reggae.
Entrada de baldre, y por si estes entá fueren poques razones p’allegar, un porcentaxe de recaldu na barra va dir destináu al nuesu club.
¡Puxa Ciares! En 2016 o en 2017: postreros en dineru, primeros en corazón (ya folixa).