El “Gijón Fútbol Femenino” xugará en 2ª División
Ya ye oficial, les nueses rapaces van xugar na segunda categoría del fútbol estatal.
Faltaba namás la confirmación de la RFEF, pero ya podemos anunciar qu’el Gijón Fútbol Femenino va xugar la temporada nel segundu nivel del fútbol del estáu.
Una categoría que s’asemeya poco a la rexonal, y que ye l’habitat natural d’esti equipu, na que xugo la mayoría de les temporades de los sos dieciséis años d’hestoria.
El grupu I de la competición, amesta equipos de Galicia, Asturies y Cantabria, colo que s’espera un añu guapu pa l’afición.