Ilusionante entamu de temporada de los neños
Tábamos espectantes y con munches ganes de ver a los nuesos guah.es triar les pistes de nuevu, y en concencia la xornada nun decepcionó. Volvimos ver partíos con muncha intensidá ya ilusión per parte de el xugadores ciaristas, y a sentinos arguyosos de toos los neños/es que vistieron la camiseta del club.
Prebenxamines
U.C. Ceares A 1 – 5 S.D. Llano 2000 B
El partíu empezó con un dominiu bien claro de los mozos de Hernán, que sicasí nun consiguieron materializar les sos ocasiones, daqué que si pudo faer el Llanu 2000 a midida que avanzaba’l partíu pa llevase la victoria.
Resultancia demasiada duru colos ciaristas, que merecieron más.
Veriña C 33 – 0 U.C. Ceares B
Tocába-yos empezar a los más pequenos contra los campeones de lliga del añu pasáu y polo tanto un partíu pa dir tomando contactu cola nueva categoría ensin nenguna presión sobre la resultancia. A pesar de lo abuitao del marcador, presto-yos tar nel campu y amosaron una estupenda actitú lo que nun dexa más que bones sensaciones.
Toa una temporada per delantre pa siguir trabayando y aprendiendo.
Benxamines
U.D. Gijón Industrial C 0 – 18 U.C. Ceares A
El Ceares apoderó claramente nesta nueva edición del miniderby de tercera, nun partíu que tuvo color coloráu de principiu a fin. Los mozos de Aimará y Rocío nun dieron opciones a un rival que sicasí llantó cara y realizó un bien dignu alcuentru.
El trabayu realizáu mientres l’añu pasáu va dando los sos frutos nun equipu perbién compenetrau.
U.C. Ceares B 3 – 4 Montevil
L’aciertu de cara a la portería marcó’l desenvolvimientu d’un alcuentru que fué igualadísimo, con alternatives pa dambos equipos y muncha intensidá.
Prometedor entamu de temporada del nuesu benxamin B.
Estudiantes 1 – 5 U.C. Ceares C
Gran partíu del benxamin C, con numerosísismas ocasiones y bon xuegu, nel que cabo destacar la gran actuación del porteru rival, que se convirtió nel protagonista del partíu al realizar paraes espectaculares.
Un empiezu bien sólidu tamién de el chavales del C.
En definitiva una gran xornada de fútbol base, vemosnos el prósimu finde poles pistes de Xixón.
¡PUXA CIARES!