L’U.C. Ceares cola llingua: agora ye’l momentu

Los partidos pola tresformación social xuéguense tolos díes y dende tolos ámbitos. Agora ye’l momentu.

Dientro los principios fundamentales del club de lluchar escontra cualesquier discriminación, dende les grades ciaristes animámosvos a glayar pola oficialidá, y nun parar hasta que se pite’l final ya toos y toes n’Asturies tengamos los mismos drechos llingüísticos.

Por eso, sofitamos les reivindicaciones que van facese esti sábadu 21 d’abril n’Uviéu pa pidir la cooficialidá del asturianu y del gallego asturianu, siguiendo la llínea de cooficialidá qu’esiste dafechu na nuesa institución dende fai años y que mos llevó a ser reconocíos pola Xunta Pola Defensa de la Llingua Asturiana col premiu Andrés Solar.

Los partidos pola tresformación social xuéguense tolos díes y dende tolos ámbitos. Por estes razones, esperámosvos a les 12h del mediodía na estación del Norte d’Uviéu.

Que nun-y echen cuentu. Agora ye’l momentu.