Miguel Méndez, baxa nel Ciares
Miguel abandona la disciplina teyera pa firmar pol Universidá d’Uviéu en busca de más minutos.
El futbolista Miguel Méndez Fernández “MIGUEL” (Uviéu, 1996) dexa de ser xugador del U.C. Ceares pa incorporarse al Universidá d’Uviéu.
Miguel, defensa central formáu na cantera del Real Oviedo, llegó a La Cruz la postrera temporada con apenas 19 años pa disputar la so primer campaña como senior. Ni con Miguelín ni con Eraña algamó facese cola titularidá ante la gran competencia esistente, si bien contó con minutos como recambiu, y esta temporada la situación repitiose cola llegada de Tino del Corzo, polo que tres solicitar la baxa, va camudar d’aires para tratar de tener más participación n’otru equipu.
Destacamos amás que mientres esta temporada y media en Ciares, Miguel tuvo un comportamientu de lo más profesional y seriu. Deseamoste tola suerte na to nueva etapa y esperamos que te lleves bonos recuerdos d’estes dos temporaes nel U.C. Ceares.