Skip to main content

Previa Andés – Ceares

Escudo del Andés C.F.

El domingu visitamos un campu de los acabante xubir: el Andés CF. El partíu va arrincar a les 15:45, y los socios ciaristas van poder adquirir la so entrada nel chigre de La Cruz a un preciu de 8 euros. Dende’l Ceares estimamos el detalle a la directiva local.

Escudo del Andés C.F.
Escudu del Andés C.F.

L’alcuentru va enfrentar a dos equipos con raches inverses. Mientres el Andés namás consiguió un de los postreros 15 puntos en xuegu, el Ceares vien de sumar 12. Ye por tantu un partíu con pronósticu visitante, pero con matices.

Dende antes d’empezar la temporada sabíase qu’el Andés sería un equipu difícil como local. L’equipu ye especialmente fuerte en casa, onde sumó los 7 puntos qu’anguaño tien na clasificación, ocupando’l puestu 17º nel campeonatu de lliga. El mesmu Tiuya, unu de los equipos llamáu a lluchar pol ascensu, coló de vacíu del campu de San Pedro.

Los fichaxes más destacaos d’esta temporada son los del llateral esquierdu Robert. Xugador formáu en Mareo, que llegó a apostar División d’Honor Xuvenil col Sporting, pa dise darréu al Navia, al Uviéu B y al Tapia. L’otru fichaxe importante ye’l del porteru Carrera. Xugador qu’apostó les 4 últimes temporaes nel Tapia.

Esperemos romper la cigua qu’abasna l’equipu ye los sos viaxes al Occidente asturianu, onde el costume ye nun sumar. El partíu va ser difícil, pero yá sabemos qu’esta temporada tenemos 38 partíos, y los 38 son complicaos. La gran igualdá de la categoría esta campaña añede emoción extra.

El domingu estenaranse les duldes.

0
    0
    Carrito
    Tu carrito está vacíoVolver a la tienda