El primer equipu restolando la permanencia

Temporada difícil no deportivo pal primer equipu. Al gran númberu de baxes de llarga duración sumose una renta de puntos bien probe sicasí presentaben, de primeres, un equipu aguayapáu y reforzáu p’afrontar la competición con garantíes.

La primera vuelta nun dexó al equipu con bones sensaciones, algamando 7 de 42 puntos posibles y siendo el segundu equipu menos goliador ya’l terceru más goliáu de la categoría. Namás empezada la segunda vuelta con una dinámica más positiva, nuna segunda parte escontra el llíder y tres la victoria ente un rival directu nun partidu clave pa les sos aspiraciones, les teyeres enferrónense al tradicional ameyoramientu qu’amuesa l’equipu nos segundos tramos del campeonatu. Baxu esta premisa y cola esperanza que polomenos nenguna lesión ablaye la plantiya, el Gijón F.F. enfréntase a un retu per duru ya apasionante: caltener una categoría de la que ye tradicionalmente parte ya na que tien que fincar.