Roberto Colunga, nuevu entrenador de la Cultural y Deportiva de Aboño

El que fuera director deportivu del UC Ceares ente 2011 y 2019 retoma la so faceta d’entrenador en categoría senior nel filial ciarista.

Roberto Colunga va ser el nuevu entrenador de la Cultural y Deportiva de Aboño, tornando a los banquillos del fútbol rexonal tres unos años de inactividá nos que se dedicó principalmente a la dirección deportiva, qu’amestó con entrenar y coordinar equipos nel fútbol base.

Roberto va tar en contactu permanente tanto cola dirección deportiva como col actual entrenador de la primer plantiya Pablo Busto, ya que cualquier jugador sub-23 del filial puede ser convocáu con ella.

Deseyamos-y tola suerte del mundu nesti nuevu proyectu venceyáu al UC Ceares.