La Ibense

La Ibense Astur remonta la so actividá na fabricación propia de xelaos dende 1934 de la mano de Vicente Guillem Pina y familia. Fundaor de la empresa y xeladeru procedente de Ibi (Alicante), ciudá xeladera, qu’en dómina de branu viaxaba a Xixón a “xelar”. De primeres instalóse en Somió compaxináu la vienta de xelaos col trabayu na tienda familiar d’alimentación. Popularmente conocíu como “Vicente’l xeladeru” percorría’l barriu y contorna cola garrafa al costazu. Foi en 1954 cuando s’estableció nel barriu de l’Arena centrando la so actividá na fabricación y vienta de xelaos faciéndose conocida la empresa col pasu de los años pola so calidá y servicios. Anguaño cuenten con distintos puntos de vienta fixos y estacionales por tola villa xixonesa (tanto l’orixinal de la cai Emilio Tuya 54, como n’el barriu d’El Llano na cai Juan Alvargonzalez 46, na Calzada na cai Brasil nº7, o frente a la sablera de Poniente na cai Marqués de San Esteban 68), rexentaos por una tercer xeneración y cuntando con una cuarta que caltién la tradición y conocencies d’una familia xeladera con gran hestoria. Asina que ya sabéis, si sois ciaristes, llambiones y préstenvos los buenos xelaos, nun dexéis de visitar LA IBENSE ASTUR.