Skip to main content

[Xornada 32ª] Crónica en collorau y azul

Atraco en Tuilla a manos de Toyos Acosta

Estraña xornada la vivida esta fin de selmana en la parte alta de la tabla. Namas el Llangréu foi capaz de vencer d’ente los 7 primeros clasificaos. L’equipu de la Cuenca conviértese por tantu nel gran beneficiáu de la xornada.

Atraco en Tuilla a manos de Toyos Acosta
Todavía resulta difícil de creer lo sucedido en Tuilla

El Pravianu nun podía pasar del empate en Santa Catalina frente al Real Uviéu B. Dos xornades consecutives en casa nes que’l líder de la categoría nun puede ganar, n’encaxando un 0-4 col Cuideiru la pasada xornada, y el 1-1 d’esta. Da nales por tantu a un Ciares que viaxa llueu ellí y va buscar traese los 3 puntos.

L’anterior líder, el Llealtá, cayía ante pronósticu ante l’Avilés B nel Suárez Puerta. Los de Rozada algamaben el lideralgu en venciendo’l pasáu miércoles al Atléticu de Llugones en partíu aplazáu, y volvien a dexalu el domingu.

Mientres el Ciares cayía con discutiniu, o con escándalu arbitral, nel Candín, el Llangréu vencía con solvencia al Xixón Industrial y asítiase en zona de play off.

Los sos principales persiguidores pinchaben de nuevu. El Cuideiru namas podía sumar un puntu en La Roja frente a un Llenizu que llevaba 12 derrotes como visitante, ente que’l Cuadonga rompía la so estraordinaria racha d’imbatibilidá y cayía frente a la Universidá.

Caltiénense por tantu los 4 equipos en puestu de play-off, a la espera de dellos enfrentamientos direutos no que resta de temporada, por casu al Pravianu résta-y midise al Ciares, Llangréu y Cuadonga.

Pembaxo, el Andés vuelve sumar los puntos como local, y asítiase a 2 del Candás. Ente que el L.luarca dexa pasar una ocasión magnífica d’algamar los puestos de salvación, en perdiendo en Tapia ante un rival totalmente desanunciáu.

Destacar el derbi Llangréu – Tiuya d’esta selmana. Los dinamiteros nun van regalar nada en Ganzábal frente a un rival qu’encara la recta final del campeonatu en puestu de privilexu. Y ye que cada vez queda menos.

0
    0
    Carrito
    Tu carrito está vacíoVolver a la tienda