[Ciares 2 – 1 Uviéu B] Marcos Iglesias pon La Cruz en pie

Dos goles del delanteru xixonés dan la victoria a los de casa ante un Uviéu B que nun llogro ser superior nin cuando cuntaba con un xugador más.

A pesar de les dos victories nos dos primeros partidos, acoyer al Uviéu B siempre ye motivu de ponderancia. Los ovetenses, sobre tou nel partido de vuelta, asoleyaron ser un gran equipu, de los meyores de la categoría. Además, caltienen práuticamente a tolos xugadores de la pasada temporada. Con munchu potencial sobre tou nel ataque.

La baxa de César, mancáu demientes la selmana, forciaba camudar l’esquema nel Ciares. Miguelín decidise por un doble pivote de contención, con Aitor y Hugo. Un once por tantu más defensivu que’l de Roces de la pasada selmana.
L’arranque yera llétricu. Yá na primer xugada, Marcos Iglesias yera paráu en falta casiqué nel picu del área, forciando la cartulina a Lula. La falta yera golpiada por Raúl pero refugada pola defensa. Los primeros minutos, pura folixa. Dambos equipos llegaben al área, col partido llocu. Faltes peligroses, centros que nun alcontraben rematador, córners.

Marcos Iglesias entamaria el so idiliu cola grada nuna pergran xugada que remataba casiqué de puntera al palu llargu, pero luciase Gorka y mandaba a córner.

Cuando tabamos cerque del descansu, Chery adelantase de manera barbara, internase nel área, y dala pa que Marcos defina con clas.

Al intermediu llegase con optimismu, el Ciares caltúvose sobriu, ensin concesiones, y habían enchufáu una. El partido mui de cara. Parecía que taba too controláu . Los ovetenses teníen más el cueru, pero los locales nun pasaben serios apuros. Hasta que llegó una xugada que pudo camudar l’encuentru. Ponte, que vio una tarxeta aforrable na primera parte, mui aforrable, veía la segunda por un enriedu nel mediu del prau. Con nada menos que trainta y dos minutos per dellantre, un home menos, y un equipu que venía de play-off el pasáu cursu, tocaba tensión. Tensión de la bona.
L’Uviéu nun creó’l peligru del pasáu añu. Asomabase al área pero nun llegaben a crear ocasiones. Sólu lo peligrosu del resultáu, y de la inferioridá numérica, llevaben la sensación de mieu a los locales.

Hasta que Marcos presionó nel carril izquierdu. Robó’l cueru a la altura del centru del prau. Corrió. Algamo la frontal. Regatio provocando la pasada de frenada del defensa uvieista, y definió al palu llargu. Golazu de bandera. Trabayu, potencia, calidá, y definición. Tou en segundos.

Yera’l minuto 94 cuando l’Uviéu B marcaba, tres el rechaz d’Aitor Cañedo nuna falta a la altura la frontal. Demasiáu tarde. Los puntos se caltienen.

El domingu toca caltener el ritmu ante un vieyu conocíu, Nacho Cabo, agora al frente del Mosconia. Los de Miguelín ya saben lo que-yos espera, xuegu de toque, xuegu preciosista. Que nun pare la racha.