Skip to main content

Comunicáu oficial del Gijón Fútbol Femenino tres el conceyu de la RFEF

Comunicado Oficial GFF

Tres la cellebración esti mediudía de l’Asamblea Xeneral Estraordinaria de la Real Federación Española de Fútbol, el Gijón Fútbol Femenino quier manifestar el so ablucu, decepción y refugu a la manera d’obrar del presidente la RFEF, Luis Rubiales.

Toles entidaes y representantes del fútbol hemos de ser portavoces d’una serie de valores non negociables como la igualdá y el respetu, yá que’l nuesu deporte ye, por méritos propios, el más popular y poro tien la capacidá d’influyir de mou positivu o negativu na sociedá. Tenemos entós una gran responsabilidá como principales actores. El comportamientu del presidente de la RFEF dende la consiguión del títulu de campeones del mundu nun tuvo a l’altura del so cargu nin de lo que requeríen los ésitos de les deportistes. La xestión posterior, por desgracia, nun fizo más que piorar la situación. Poro, la única salida digna que cabe ye la asunción de les consecuencies derivaes d’esi comportamientu y en nengún casu una fuxida palantre.

Dende’l Gijón Fútbol Femenino llevamos defendiendo firmemente los valores de la igualdá y la llucha contra’l machismu y el sexismu mientres décades. Entendemos que’l respetu a les xugadores y un tratu dignu son pilares fundamentales que tienen que sofitar les rellaciones dientro d’esti deporte. Amás, consideramos que los llogros de la so xestión federativa, que siempre-y reconocimos, nun puen ser utilizaos como moneda de cambéu pa condonar otres cuestiones que son d’índole superior.

Ye por ello que solicitamos al Sr. Presidente de la RFEF que recapacite y dexe pasu a una nueva etapa dientro de la institución, que nun fraye tolos avances que se vien faciendo mientres los últimos años y que nun ahonde nel absolutu allontamientu que se ta produciendo tanto ente federación y ciudadanía, como dientro la federación mesma.

0
    0
    Carrito
    Tu carrito está vacíoVolver a la tienda