El Veriña CF améstase na escuela mista y va ser filial del UC Ceares. El AD Lloreda entama con nos como club collaborador.

Termina un procesu qu’entamo l’añu pasáu cola creación de los primeros equipos conxuntos. El Campu de Lloreda va ser la sede del fútbol base común.

Corrien estes feches pela temporada 18/19 cuandu entamaren los alderiques pa facer una collaboración permanente ente’l Veriña CF, hestóricu club de fútbol base de la ciudá que güei xuega nel Campu de Lloreda tres dexar el campu de San Martín ya’l nuesu club. La collaboración va formalizase de cara a la prósima temporada cola filialidad veriñista col club teyeru por una duración inicial de dos temporaes. Esto aprobolo l’Asamblea de Socios/es el 26 de xunetu de 2018.

Esti nuevu pasu trae cámbeos importantes. El primeru ye que pel momentu y hasta un cámbeu na disponibilidá d’instalaciones, tol fútbol base del UC Ceares como del Veriña CF van concentrase nes instalaciones de Lloreda con una planificación deportiva conxunta. Así mesmu y no tocante a la filialidá, va ser posible que los futbolistas d’equipos veriñistas xueguen nos equipos teyeros, algo per interesante n’etapes de rendimientu y de cara’l saltu de futbolistas xuveniles hacia’l primer equipu teyeru. Pel otru lláu, sicasí va esistir collaboración, les estructures de fútbol sala van quedase tal como tan cada una nel so ámbitu xeográficu , al ser esto más conveniente pola edá de los y les xugadores.

El AD Lloreda súmase como club collaborador.

L’hestóricu club del oeste xixonés, que mientres munchos años tuvo equipu rexonal, ocupará el llugar de club collaborador. Con esti acuerdu va intentase que los de verde y colloráu tengan equipos en toes les categoríes onde los rapaces puedan formase nes meyores condiciones y en contactu colos sos collacios del UC Ceares y el Veriña CF.

D’esta manera entamamos una etapa nueva nun proyectu pioneru de collaboración ente clubes, dalgo que ye un enfoque estremau del que suel tener un mundiu tan competitivu como el del fútbol base angüaño.