[COMUNICÁU OFICIAL] Nuy ye’l nuesu proyectu
La Xunta Directiva del Unión Club Ceares, en base a la decisión de la so asamblea de socios aconceyada güei, quier solicitar al conceyu que escaeza cualesquier actuación nel campu La Cruz, onde’l club apuesta los sos partíos dende que fuera construyíu polos sos socios nos años 70 (ya dempués espropiáu pol conceyu), que pase pola eliminación de la yerba natural ya la instalación de “cesped” artificial.
El proyectu del club, dende que fuera rescatáu d’escaecer en 2011, ta centráu na dignificación del fútbol semi-profesional, la recuperación de masa social, el venceyamientu ente vecinos del barriu tres el so club de fútbol (nuna época d’individualismu brutal) ya la recuperación de la identidá de barriu. Pa ello, pasar de xugar en yerba natural, superficie reconocida unánimemente como la ideal pal fútbol de rendimientu, a la yerba artificial, ye una traba importante, como pon de manifiestu la decisión de l’afición na asamblea.
Lo mesmo nel casu del equipu de Primera Nacional del Gijón Fútbol Femenino que, gracies al conveniu de collaboración impulsáu por esti club, también apuesta los sos partíos en La Cruz. Pa posibilitar esti cambeu, el postreru añu s’invirtieron varios miles d’euros de fondos propios na instalación de riegu y agüeres, amás de duplicase la inversión en caltenimientu. Pa que pudiera crecer en visibilidá y asistencia a los sos partidos, sacamos al Gijón F.F. d’un campu de yerba artificial destináu al fútbol base, sicasi agora quieren que la yerba artificial les persiga pa terminar na mesma situación que taben.
Les ventaxes qu’ofrez esta sustitución son todes económiques, pero incompatibles col nuesu proyectu. La primera ye la posibilida de crecer abondo nel fútbol base y cuntar con decenes d’equipos que tres cuotes ya otros ingresos indirectos xeneren recursos económicos pa disponer d’ellos como se quiera. Nesti aspectu hai qu’alcordase de tres puntos fundamentales: l’asamblea del Ciares llimitó el númberu d’equipos de fútbol base (escluyendo el fútbol sala) de los que puede disponer el club a 9, los d’anguaño, pa evitar crear un club demasiao grande que perdiera el tratu personal y acabara siendo un meru prestador de servicios. En segundu llugar, qu’el modelu de fútbol base que consideramos sanu pa la ciudá ye’l de “munchos clubes con pocos equipos” y nun queremos ser partícipes de la desaparición de los clubes pequenos, tal y como manifestamos na pasada asamblea de la Real Federación de Fúbtol del Principado de Asturias. Que la nuesa xestión nun permite el trasvase de fondos provenientes del fútbol base hacia el primer equipu, polo qu’el mesmu necesita de l’asistencia al campu y de los socios pa financiase, algo que pon en pelligru el cambeu de superficie de xuegu porque degrada la calidá ya l’atmósfera de lo que se ve nel campu.
Les instalaciones que se solicitaran pa la Escuela Mixta de Fútbol (ver documental de TVE sobre la mesma equí) contemplaben un nuevu modelu de xestión ondo el Patronato Deportivu del Conceyu tuviera poder de decisión so’l usu de les mesmes pa evitar cualesquier movimientu especulativu, y que nos permitieran xunto col Gijón Fútbol Femenino desendolcar un proyectu pioneru que como puede vese xeneró interés munchu más allá de les fronteres del barriu. Pero enxamás al coste de poner en riesgu a un club con más de 70 años d’hestoria que vive una época dorada no social ya deportivo.
Creyemos que l’actuación propuesta nun ye l’adecuada y que revertiría la situación al añu 2011 cuando’l
club taba a punto de ser liquidáu. Emplazamos a la corporación municipal a sentase a dialogar pa encontrar una solución satisfactoria, creyemos qu’hai alternatives que son totalmente viables, incluso con un coste menor, y que no implicaríen la desaparición de nuesu fútbol base y la Escuela Mixta de Fútbol.
N’otru orden, y pa que a partir d’esta temporada podamos contar con unes instalaciones dignes, solicitamos-yos que reactiven los arreglos qu’estaben en marcha pal nuestru campu ya que tenemos planificada la temporada en base a las fechas acordadas para los mismos.