[Fútbol Base] Altibaxos y horarios de fútbol modernu

La solicitú del equipu rival pa nun interferir col viaxe de munchos de los sos miembros a A Coruña esta fin de selmana va facer que’l filial apueste’l so partíu’l miércoles a les nueve la nueche nos Campos Federativos de Roces

Pero antes de siguir cola xornada siguiente, vamos repasar lo que dio de sí la pasada fin de selmana, y por que nun empezar cola sorpresa de la xornada, que nun ye otra que la derrota del U.C. Ceares B ante un predresu Sariegu. El partíu empezó como un mal presaxu pa el chavales ciaristas, con un Sariegu que se llevaba toles disputes, bien cómodu nel so terrén, el lliteral, El Carrocéu, bien curtiu y anchu, y en bones condiciones a pesar del tiempu que ta trayendo de cabeza a tolos cuidadores de campos del país, y el futbolísticu, de muncha disputa y xuegu direutu onde los ciaristes llevaben les de perder y nun yeren capaces de baxar el balón y desenvolver el so habitual xuegu de toque. Dos erros defensivos nel primer y tercer gol condicionaron totalmente el desenvolvimientu del partíu, y el Sariegu llevose la victoria con cierta comodidá a pesar del tardíu gol visitante que dió un pocu d’emoción a los minutos finales. Col play-off a once puntos, anque con un partíu menos, los mozos de Colunga nun pueden dexase más erros.

Un pocu más embaxo no qu’a edá se refier, les coses rodaron de forma bien distinta. Nos partíos de campu, ente que l’equipu xuvenil llevábase una cómoda victoria ante’l Montevil, poniendo de nuevu de manifiestu’l so gran nivel na categoría, l’equipu alevín impúsose al Colexu Inmaculada B, un equipu de la metá de la tabla con xugadores de segundu añu y gran potencia física, nun gran partíu de los locales que tuvo delles sorpreses como l’apaición d’Alex como central y la torna de Yerai dempués de la so ausencia por un accidente de tráficu. Juan y Yerai fixeron los goles, el primeru tres una bona xugada de Xuan, ente que Vicente completó una gran actuación conteniendo l’acosu visitante con socesives intervenciones y calteniendo el 0-1 nel marcador por que’l posterior esfuerzu colectivu del equipu favoreciera la remontada y premiara nel marcador a unos guah.es que’l so esfuerzu y progresu ye más evidente acaldía.

En pista tamos acostumandonos a lo bono, y ye qu’en cinco complicaos partíos solo tenemos que cuntar una derrota teyera. Mientres la ciudá taba de sobremesa, el benxamín A imponer al Colexu Inmaculada D nun partíu un tanto gris, quiciabes motiváu polo estraño del horariu. Muncho más apostaos fueron los partíos del benxamín B que repitió l’empate de la primera vuelta ante la Escuela de Fútbol de Mareo del so grupu (4-4), y del benxamín C de primer añu al que-y bastaron, eso sí, veinte minutos de gran xuegu pa solucionar el so compromisu fuera contra l’Asunción C (3-6) y anotase la so cuarta victoria consecutiva.

Los más pequenos vengáronse d’aquella doliosa remontada de la primer vuelta onde’l Oriamendi acabó llevándose los trés puntos magar llegar a dir perdiendo por cuatro goles de desventaxa. Esta vegada’l nuesu prebenxamín A nun venció ya impúnxose 4-3 dexando los puntos nun Pabellón de Ciares siempres con gran ambiente. Pela so parte nuesos peques xubíos del profútbol del prebenjamín B fixeron una gran segunda parte ante la E.F. de Mareo, pero’l so regular primer parte reflexose nun marcador que s’inclinó con claridá del llau roxiblancu (7-1).

Pa esta selmana, tola actividá del U.C. Ceares concéntrase nel sábadu, con casi tol fútbol base ocupando la mañana y los xuveniles y el primer equipu pela tarde. Si daquién tien ansiedá por pasar cinco díes ensin ver les camisetes coloraes del ciares sobre’l verde, tien motivos pa la tranquilidá yá que el miércoles a les 21:00 l’U.C. Ceares B va enfrentase al Arenas del Sella nos Campos Federativos de Roces, una escusa como otra cualesquier pa xustificar un miércoles un pocu especial.

De siguío los horarios, como siempres: ¡PUXA CIARES!

[eventlist start=”2014-02-14″ end=”2014-02-20″ limit=10]